گه‌ڕان

Shadow Shadow
سیاسه‌تی

گەورەترین توێژینەوە كۆتایی بەمشتومڕەکان هێنا لەبارەی بەناوبانگترین چارەسەر بۆ پەتای كۆرۆنا

2020.06.06 - 11:13
App store icon Play store icon Play store icon
گەورەترین توێژینەوە كۆتایی بەمشتومڕەکان هێنا لەبارەی بەناوبانگترین چارەسەر بۆ پەتای كۆرۆنا

ناس کورد-

 

لەگەورەترین توێژینەوەدا كە زانكۆی ئۆكسفۆرد ئەنجامیداوە، تیمێكی پزیشكی گەیشتونەتە ئەنجامێكی یەكلاكەرەوە كە حەبی هایدرۆكسی كلۆرۆكوین هیچ سودێكی بۆ چارەسەر كردنی پەتای كۆرۆنا نییە، بەڵكو شوێنەوارى خراپیش بەجێدەهێڵێت لەسەر جەستەی مرۆڤ.

کەناڵی ناس کورد لە تێلیگرام جۆین بکە   

 

تیمەكە تاقیكردنەوەیەكیان لەسەر حەبی هایدرۆكسی كلۆرۆكوینی چارەسەری  دژە مەلاریا و چەند چارەسەرێكی هاوشێوە ئەنجامداوە دەركەوتووە هیچیان سودیان نیە بۆ چارەسەری پەتای كۆرۆنا وچونكە یارمەتی چارەسەر نادات.

 

تیمەكە حەبەكەیان لەسەر 1542 توشبووی كۆرۆنا تاقیكردووەتەوە و دەرکەوتووە کە ژمارەی مردووانی لەنەخۆشخانەكان دانەبەزاندووە.

 

لەدوای 28 ڕۆژ لەپێدانی چارەسەرەكە، بەرێژەی 25.7% بەكارهێنەرانی هایدرۆكسی كلۆرۆكوین مردوون و لەبەرامبەریشدا 23.5% ئەو توشبووانە مردوون كە چارەسەری ئاساییان بۆ كراوە، ئەوەش دەركەوتووە جیاوازییەكی كەمە و حەبەكە ڕێگرنەبووە.



سەرپەرشتیاری توێژینەوەكە لەڕاگەیەنراوێكدا دەڵێت، ئەنجامی توێژینەوەكە بەڕێگایەكی باوەڕپێكراو دەریخستووە كە ئەو چارەسەرە هیچ ڕێگرییەك لەمردن ناكات و ڕێژەكەشی باش نەكردووە.



حەبی هایدرۆكسی كلۆرۆكوین بۆ ماوەیەكی دوورو درێژە وەكو چارەسەری نەخۆشی مەلاریا بەكاردەهێنرێت بەڵام پێشتر هیچی لەبارەوە نەزانراوە كە سودی بۆ چارەسەر كردنی كۆرۆنا هەیە یاخود نیەتی.

 

دوای ئەوەی دۆناڵد ترەمپ و چەند دەزگایەكی تری نێو دەوڵەتی ڕیكلامیان بۆ ئەو چارەسەر كرد کە سودى بۆ چارەسەركردنی پەتای ڤایرۆسی كۆرۆنا هەیە، بەمدواییانە چەندین توێژینەوەی دیكە لەسەر ئەو حەبە كرا كە ئەوەیان دەرخست سودی بۆ ڕێگری كردن لەپەتا نیە و بەڵكو لێکەوتەى خراپیشی بۆ سەر جەستەی مرۆڤ هەیە.