گه‌ڕان

Shadow Shadow
سیاسه‌تی

سوپاى عێراق ئۆپراسیۆنێکى سەربازى لە باشورى ڕۆژئاواى کەرکوک ئەنجام دەدات

2020.06.02 - 08:36
App store icon Play store icon Play store icon
سوپاى عێراق ئۆپراسیۆنێکى سەربازى لە باشورى ڕۆژئاواى کەرکوک ئەنجام دەدات

ناس کورد-

وتەبێژى فەرماندەى گشتى هێزە چەکدارەکانى عێراق رایگەیاند، لەژێر ناوى (پاڵەوانانى عێراق)دا و لە باشورى ڕۆژئاواى کەرکوک سوپاى عێراق ئۆپراسیۆنێکى سەربازى ئەنجام دەدات.

 

کەناڵی ناس کورد لە تێلیگرام جۆین بکە   

یەحیا ڕەسوڵ، وتەبێژى فەرماندەى گشتى هێزە چەکدارەکانى عێراق لە راگەیەندراوێکدا ئاماژەى بەوە کرد "لەژێر فەرمانى مستەفا کازمى، سەرۆکوەزیرانى عێراق و فەرماندەى گشتى هێزە چەکدارەکانى عێراق و بەسەرپەرشتى فەرماندەیى ئۆپراسیۆنە هاوبەشەکان بەرەبەیانى ئەمڕۆ (سێشەممە) ئۆپراسیۆنى (پاڵەوانانى عێراق) دەستى پێکرد کە دووەمین قۆناغى ئۆپراسیۆنەکەیە".

 

بەگوێرەى راگەیەندراوەکە "لە ئۆپراسیۆنەکەدا پشکنین بۆ ناوچەکانى باشورى رۆژئاواى کەرکوک و لە سنورى نێوان هەردوو پارێزگاى سەڵاحەدین و کەرکوک و بە پێوانەى 738,5 کیلۆمەتر چوارگۆشە دەکرێت".

 

وتەبێژى فەرماندەى گشتى هێزە چەکدارەکانى عێراق لە راگەیەندراوەکەدا رونیکردەوە کە لە ئۆپراسیۆنەکەدا ژمارەیەکى زۆر لە یەکە سەربازیی و پۆلیسییە جیاوازەکانى عێراق بەشدارى تیادا دەکەن و لەلایەن یەکەى فڕۆکەوانى سوپا و هێزى ئاسمانى و فڕۆکە جەنگییەکانى هاوپەیمانى نێودەوڵەتى و ئاژانسە هەواڵگریییەکان پشتیوانى دەکرێت.

 

یەحیا ڕەسوڵ جەختى لەسەر ئەوە کردەوە "ئامانج لە ئۆپراسیۆنەکە بۆ هێنانەدى سەقامگیرییە لە ناوچەکە و ڕاوەدونانى پاشماوە و شانە نوستووەکانى داعشە لە ناوچەکە".