ناس کورد-
پۆلیسى ڕاپەڕین دۆزینەوەى تەرمى ژنێکى ڕاگەیاند، کە دوو رۆژ لەمەوبەر بێ سەروشوێن ببوو.
کەناڵی ناس کورد لە تێلیگرام جۆین بکە
ژنەکە لەدایکبووی ساڵی 1943 یە و دانیشتووی گەڕەکی ڕاپەڕینى قەڵادزێ بووە، 27ی ئەم مانگە لە ماڵەوە دەچێتە دەرەوە و نەگەڕاوەتەوە، کەسوکارەکەشى سکاڵایان تۆمارکردووە.
شۆڕش ئیسماعیل وتەبێژی پۆلیسی ڕاپەرین بە ناس کوردى ڕاگەیاند، دوای دووڕۆژ گەڕان بەدوایدا دوانیوڕۆی ئەمڕۆ کاتژمێر 2:30 خولەک تەرمى ئەو ژنە لەلایەن مەفرەزەیەکی پۆلیسی دارستان دۆزرایەوە.
وتیشى بەپێی زانیاریە سەرەتاییەکان ئەو ژنە کەوتۆتە ناو ئاوی زێی بچوک و خنکاوە، دوای توێکاری بۆ لاشەکەی ڕادەستی کەسوکاری کرایەوە.
