گه‌ڕان

Shadow Shadow
سیاسه‌تی

پێشتر ئەفسەر بووە لەسوپای پاسداران  

ئەندامێكی سەرسەختی باڵی پارێزگاران بەسەرۆكی نوێى پەرلەمان هەڵبژێردرا

2020.05.28 - 11:39
App store icon Play store icon Play store icon
ئەندامێكی سەرسەختی باڵی پارێزگاران بەسەرۆكی نوێى پەرلەمان هەڵبژێردرا

ناس کورد- 

لەنێوان سێ ڕکابەردا بۆ وەرگرتنی پۆستی سەرۆكی پەرلەمانى ئەو وڵاتە،ئەندامێكی سەرسەختی باڵی پارێزگاران و ڕەخنەگرێكی توندی حكومەتەكەی ڕۆحانیی بەسەرۆكی نویێ پەرلەمانی ئێران هەڵبژێردرا.

 

کەناڵی ناس کورد لە تێلیگرام جۆین بکە   

بەگوێرەی میدیاكانی ئێران، محەمەد باقر قالیباف زۆرینەی دەنگەكانی بەدەستهێنا كە 230 دەنگ بوو، بەوەش بووە سەرۆكی  نویێ پەرلەمانی ئێران و فەرەیدون عەباسی كەسەرۆكی دەستەی وزە بووە لە حكومەتەكەی ئەحمەدی نەژاد 17 دەنگ و ساڵح میر سەلیم كە لە حكومەتەكەی هاشمی ڕەفسنجانیدا وەزیری ڕۆشنبیری بووە 12 دەنگ و شكستیان هێنا لەوەرگرتنی پۆستەكە  و 8 دەنگی سپیش لەپرۆسەكەدا هاتووە.



قالیباف ساڵی 1961 لەشاری مەشهەد لەدایك بووە و یەكێكە لەسیاسیەكانی سەر بە باڵی پارێزگاران و ڕەخنەگرێكی سەرسەختی كابینەكەی ڕۆحانییە بەتایبەتی لەدۆسیەی ئابوریدا.

چەندین پۆستی سەربازی و سیاسی و كارگێڕی بەڕێوەبردووە و پێشتر ئەفسەر بووە لەڕیزەكانی سوپای پاسداراندا و ساڵی 1994 -1997 فەرماندەی بنكەی خاتەم ئەنبیا بووە و ساڵی 1997 بۆ 2000 فەرماندەی هێزە ئاسمانیەكانی سەر بەسوپای پاسداران بووە و ساڵی 2000 بۆ 2005 سەرۆكی دەزگای پۆلیسی ئێران بووە.

 

ساڵی 2005 بۆ 2017 پارێزگاری تاران بووە و لەسەردەمی شەڕی ئێران عێراقدا ڕۆڵێكی دیاری هەبووە.

 

هەڵگری بڕوانامەی دكتۆرایە لە جوگرافیای سیاسی و لەزانكۆی تارانیش وانەی وتووەتەوە.

دوا بەدوای هەڵبژاردنی محەمەد باقر بالیباف بەسەرۆكی نوێ پەرلەمانی ئێران، بەفەرمانێك عەلی خامنەیی ڕابەری باڵای ئێران عەلی لاریجانی سەرۆكی پێشووی پەرلەمانی كردە ڕاوێژكاری خۆی و ئەندامی ئەنجومەنی دیاریكردنی بەژرەوەندییەكانی ئێران.