گه‌ڕان

Shadow Shadow
سیاسه‌تی

حاجى تەیسیر ئەندازيارى مەرگ ئەو سەركردەى داعش عێڕاق كوشتنى ڕاگەياند كێيە؟

2020.05.27 - 17:22
App store icon Play store icon Play store icon
حاجى تەیسیر ئەندازيارى مەرگ ئەو سەركردەى داعش عێڕاق كوشتنى ڕاگەياند كێيە؟

ناس کورد- 

عەميد يەحيا رەسوڵ، وتەبێژى سەركردەى گشتى هێزە چەكدارەكانى عێڕاق كوشتنى موعتەز جبورى "حاجى تەيسير" يەكێك لە سەركردە گرنگەكانى رێكخراوى داعشى ڕاگەياند، ناوبراو كێيە و ڕۆڵى چى بوو لەناو رێكخراوى داعش؟.

کەناڵی ناس کورد لە تێلیگرام جۆین بکە   

موعتەز جبورى كە لە بۆردومانێكى هێزەكانى هاوپەيمانى نێودەوڵەى لە دێرەزوورى سوريا كوژرا ناوى تەواوى "موعتەز نوعمان عەبدولنايف نەجم جبورى"يە و بە "حاجى تەيسير" ناسراوە، يەكێكە لە سەركردە ديارەكانى رێكخراوى داعش و ئەندامێكى كۆنى رێكخراوەى قاعيدە بوە.

 

 حاجى تەيسير پۆستى "والى عێراق" و ياريدەدەرى سەركردەى رێكخراى داعشى بۆ كاروبارى سەرجەم ولايەتەكان هەبوە، هەروەها بەرپرسى پلاندانان و هەماهەنگى پرۆسە تيرۆرستيەكانى دەرەوە بوە.

 

لەمانگى ئابى ساڵى 2019 ئەمريكا پاداشتنى 5 مليۆن دۆلارى بۆ هەركەسێك دانا كە زانيارى لەسەرى بدات، ئەوەش لە چوارچێوەى بەرنامەى پاداشت لە پێناو دادپەروەرى.

 

جبورى سەرپەرشتى دروستكردنى بۆمب و تەقينەوەكانى رێكخراوەكەى كردوە، عەميد يەحيا ڕەسوڵ باسى لەوەكردوە كە ناوبراو زياتر لە يەك پاسپۆرت و ناسنامەى هەبوە و مۆبايلى بەكارنەهێناوە لەترسى ئاشكراكردنى شوێنەكەى.

 

بەهۆى ئەو شارەزاييە زۆرەى لە دروستكردنى بۆمب و تەقينەوەدا هەيبوە بە "ئەندازيارى مردن" ناوبانگى پەيدا كردوە، لە بنەڕەتدا خەڵكى دێى شێخ ئەحمەدى سەربە قەزاى سەڵاحەدينە.

 

موعتەز جبورى سێيەم سەركردەى ڕێكخراوى داعشە لەم مانگەدا بكوژرێت لە دێرەزور و ڕۆژى هەينى ڕابردوش هاوپەيمانى نێودەوڵەتى كوشتنى دوو سەركردەى ترى ڕێكخراوەكەى بەناوەكانى "ئەحمەد عيسا ئيسماعيل زاوى" ناسراو بە "ئەبو عەلى بەغدادى" كە والى ڕێكخراوە بوە بۆ باكورى بەغدا و "ئەحمەد عەبد محەمەد حسێن جغيفى" بەرپرسى گەورەى پێداويستى و خزمەتگوزاريە لۆجستيەكانى رێكخراوەكەى لە عێراق و سوريا ڕاگەياند.