گه‌ڕان

Shadow Shadow
سیاسه‌تی

ئامارى رۆژانەى مردن بە کۆرۆنا لەبەرازیل بۆ یەکەمجار ئەمریکاى تێپەڕاند

2020.05.26 - 10:15
ئامارى رۆژانەى مردن بە کۆرۆنا لەبەرازیل بۆ یەکەمجار ئەمریکاى تێپەڕاند

ناس كورد-

 

ژمارەى ئەو کەسانەى بەهۆى توشبوونیان بە کۆرۆنا لە بەرازیل رۆژانە گیانلەدەستدەدەن لەبەرزبوونەوەدایە و لە 24 کاتژمێرى ڕابردوودا بۆ یەکەمجار ئامارى گیان لەدەستدانى بەو ڤایرۆسە لە ئەمریکا تێپەڕاند.

 

 

وەزارەتى تەندروستى بەرازیل ڕایگەیاند، لە 24 کاتژمێرى ڕابردوودا 807 حاڵەتى نوێی گیانلەدەستدان تۆمارکراوە، لەکاتێکدا لەو ماوەیەدا لە ئەمریکا 620 حاڵەتى گیانلەدەستدان تۆمارکراوە.

 

لەبەرازیل دووەم گەورەترین زیانمەندى کۆرۆنا لەسەر ئاستى جیهان، تا ئێستا 347898 حاڵەتى توشبوون تۆمارکراوە، بەوەش لەدواى ئەمریکاوەیە کە ژمارەى توشبوون تێیدا گەیشتووەتە ملیۆنێک و637 هەزار حاڵەت.

 

هەروەها ئامارى گیان لەبەرازیل گەیشتووەتە 23473 حاڵەت، لەکاتێکدا لە ئەمریکا ئامارەکە بۆ 97971 حاڵەتى گیانلەدەستدان بەرزبووەتەوە.