عێراق؛ نزیکەی 200 توشبووی نوێی کۆرۆنا تۆمارکران و هەشت توشبووش گیانیانلەدەستدا

ناس کورد-

وه‌زاره‌تی ته‌ندروستی و ژینگه‌ی عێراق، تۆمارکردنی نزیکەی 200 حاڵەتی نوێی توشبوون بە کۆرۆنای ڕاگەیاند و ئاماژەی بەوەشکرد، هەشت توشبووی ڤایرۆسەکەش گیانیانلەدەستداوە.

کەناڵی ناس کورد لە تێلیگرام جۆین بکە   

 

لە ڕاگەیەندراوێکدا وەزارەتی تەندروستی و ژینگەی عێراق ڕایگەیاند، لە 24 کاتژمێری ڕابردوودا، شەش هەزار 503 پشکنینی تایبەت بە کۆرۆنایان ئەنجامداوە  و تیایدا 197 حاڵەتی نوێی توشبوون بە ڤایرۆسەکە تۆمارکراوە. 

 

ئاماژەی بەوەشکردووە، هاوکات له‌ ته‌واوی پارێزگاكانی عێراقدا (153) توشبووی ڤایرۆسەکە چاکبوونەتەوە و هەشت توشبووش گیانیانلەدەستداوە.

 

بەگشتی تائێستا لەعێراق چوار هەزار و 469 توشبووی ڤایرۆسەکە تۆمارکراوە و لەو ژمارەیەش 197 کەس گیانیانلەدەستداوە و دوو هەزار و 738 توشبووش چاکبوونەتەوە.