گه‌ڕان

Shadow Shadow
سیاسه‌تی

كچە دوو ساڵانەكەى خۆى لەناو كوژراوەكاندايە

عێراق؛ پارێزەرێك 8 ئەندامى خێزانەكەى خۆى و ژنەكەى کوشت 

2020.05.20 - 21:23
App store icon Play store icon Play store icon
عێراق؛ پارێزەرێك 8 ئەندامى خێزانەكەى خۆى و ژنەكەى کوشت 

ناس کورد- 

پارێزەرێكى عێراقى لە قەزاى زيقار 8 ئەندامى خێزانەكەى خۆى كوشت و بريندار كرد كە لەنێوانياندا كچە دوو ساڵانەكەى خۆى هەيە.

 

کەناڵی ناس کورد لە تێلیگرام جۆین بکە   

سەرچاوەيەك لە بەڕێوەبەرايەتى پۆليسى زيقار بە "ناس"ى وت، لە قەزاى ئيسڵاح لە ڕۆژهەڵاتى شارى ناسريە كێشە لەنێوان پارێزەرێك و ژنەكەى دروست بوە، بەهۆى ئەوەشەوە ژنەكە چوەتە ماڵى كەسوكارى.

 

ڕونيشيكردەوە، بەهۆى ئەوەشەوە پارێزەرەكە لەگەڵ كوڕە مامەكەى دواى ژنەكەى كەوتون لە كاتژمێر دووى پاشنيوەڕۆ و دەستى كردوە بە دەستڕێژى گولە لە خێزانى ژنەكەى.

 

سەرچاوەكە ئەوەشى بە "ناس" وتوە، بەهۆى ئەوەشەوە 5 كەسى خێزانەكەى كوشتوە و سێ كەسى ترى بريندار كردوە، لەنێوان كوژراوەكاندا كچە دوو ساڵانەكەى خۆى و باوكى ژنەكە كە تەمەنى 57 ساڵە و خوشك و برايەكى ژنەكەى هەيە.

 

ئەوەشى ڕونكردوەتەوە، هەروەها ژنەكەى بريندارە و 4 فیشەکى پێوەيە و بارودۆخى زۆر خراپە، هەروەها كچێكى ترى خۆى و خوشكێكى ترى ژنەكەى بريندارن.

 

سەرچاوەكەى پۆليسى زيقار ئاشكراشيكردوە، پارێزەرەكە هەڵاتوە و ناوى خۆى و كوڕە مامەكەى و تايبەتمەنديان دراوە بە خاڵەكانى پشكنين لە دەرەوە و ناوەوەى پارێزگاكە بۆ دەستگير كردنيان.