گه‌ڕان

Shadow Shadow
سیاسه‌تی

هەرێم 10 توشبووی تری کۆرۆنای تۆمار کرد.. حاڵەتەکان بەرز دەبنەوە

2020.05.19 - 20:54
App store icon Play store icon Play store icon
هەرێم 10 توشبووی تری کۆرۆنای تۆمار کرد.. حاڵەتەکان بەرز دەبنەوە

ناس کورد-

وەزارەتی تەندروستی هەرێم توشبوونی 10 کەسی تری بە نەخۆشی کۆرۆنا ڕاگەیاند کە نۆ کەسیان لە سلێمانییە و یەکێکیان لە هەولێرە.

کەناڵی ناس کورد لە تێلیگرام جۆین بکە   

 

ئەمڕۆ سێشەممە، 19ی ئایاری 2020، وەزارەتەکە لە ڕاگەیەنراوێکدا دەڵێت، لە بەردەوامی پشکنینەکان و گەڕان بەدوای گومانلێکراوان، 10 تووشبووی دیکەی ڤایرۆسی کۆڕۆنای نوێ COVID-19 لە هەرێمی کوردستان دەستنیشانکران، یەکێکیان پیاوێکی تەمەن (44) ساڵ تووشبووی نوێیە و نیشانەکانی نەخۆشی هەیە و دانیشتووی گەڕەکی قەتەوی شاری هەولێرە.

 

دەشڵێت، نۆ تووشبووەکەی تر لە پارێزگای سلێمانی کە چواریان ئافرەتن تەمەن (53)، (52)، (29)، (24) ساڵ و چواریان پیاون تەمەن (53)، (36)، (34)، (30) ساڵ و کچێكی گەنجی تەمەن (15) ساڵ هەموویان دانیشتووی ناو شاری سلێمانین، هەشت لەوان بەرکەوتەی تووشبووانی پێشوون و یەکێکیان تووشبووی نوێ یە و نیشانەکانی نەخۆشی هەیە.

 

لەئێستادا ژمارەى گشتیی توشبووانی لە هەرێم گەیشتووەتە 424 کەس، لەو ژمارەیە 383 کەسیان چاکبوونەتەوە و پێنج کەسیش بەهۆیەوە مردوون.