گه‌ڕان

Shadow Shadow
سیاسه‌تی

وەک شۆڕشگێڕ و پیاوێکی ئەفسانەیی کار ناکات

ڕاپۆرتێكى ئەمريكى يەكەم ئەرك و ئاڵنگارییە سەختەکانی كازمى ديارى دەكات

2020.05.19 - 17:49
App store icon Play store icon Play store icon
ڕاپۆرتێكى ئەمريكى يەكەم ئەرك و ئاڵنگارییە سەختەکانی كازمى ديارى دەكات

ناس کورد-

گۆڤارێكى ئەمريكى پێی وايە مستەفا كازمى ڕوبەڕوى چەندين ئاڵنگاری دەبێتەوە بۆ چەسپاندنى چاكسازى، دەشڵێت، کازمی كەسێكى شۆڕشگێڕ نابێت بە يەكجار سيستمەکە چاك بكات، بەڵكو هەوڵى ئەوە دەدات قۆناغ بە قۆناغ سيستمى ناوخۆيى چاك بكات.

کەناڵی ناس کورد لە تێلیگرام جۆین بکە   

 

گۆڤارى "فۆڕن پۆڵسى ئەمريكى" لە ڕاپۆرتێكدا بڵاويكردووەتەوە، كازمى ڕوبەڕوى چەندين ئاڵنگاری مەترسيدار دەبێتەوە كە چينی سیاسیی عێراق کە لە ماوەى دوو دەيەى ڕابردودا بە ڕكابەرى لەسەر دەسەڵات دروستيان كردوە و بەرژەوەنديەكانى گەڵيان لەبير كردوە، ئەوەش بوەتەهۆى دروستبونى شۆڕشى گەل، و هێزى شەقام توانى خۆى بسەپێنێت و داواى دورخستنەوەى چينە سياسيیە دەسەڵاتدارەكە بكەن.

 

لە ڕاپۆرتەکەشدا هاتووە، كازمى ڕوبەڕوى حەتەداى ترى ناوخۆيى و دەرەكى دەبێتەوە، عێراق ڕوبەڕوى قەيرانێكى تەندروستى ناوخۆيى بوەتەوە بەهۆى ڤايرۆسى كۆرۆناوە و هەروەها ڕوبەڕوى قەيرانێكى ترى ئەمنى بوەتەوە بەهۆى ڕێكخراوى داعش و مەترسى گەڕانەوەى ئەو ڕێكخراوە، ئەوەش سەرەڕاى قەيرانى ئابورى چ ئەوەى كە خەڵك لەناوخۆى وڵات بەدەستيەوە دەناڵێنێت چ دابەزينى نرخى نەوت كە دەبێتە هۆى كەمبونەوەى داهاتى دەوڵەت.

 

گۆڤارەكە پێىوايە، سەرۆكوەزيرانى نوێ كەسێكى شۆڕشگێڕ نابێت و بەيەكجار سيستم چاك بكات، ياخود بە مەبدەئى پياوى ئەفسانەيى مامەڵە بكات، بەڵكو هەوڵى ئەوە دەدات قۆناغ بە قۆناغ سيستمى ناوخۆيى چارەسەر بكات.

 

ئەركى سياسى

بەپێى ڕاپۆرتەكە، يەكەم ئەركى كازمى بريتى دەبێت لە نەهێشتنى كەلێنى نێوان هاوڵاتيان و چينى سياسى لەلايەك و ڕێكخستنى نێوان چينە سياسيەكەش لەلايەكى ترەوە، ئەوەش واتاى ئەوەيە كە چاكسازيەك لەسەر بنەماى هاوسەنگی ئەنجام دەدات لەم بارودۆخەى ئێستادا.

 

ئەوەشى ڕونكردوەتەوە، كازمى تاكە سەرۆكوەزيران نييە كە بەرنامەى چاكسازى گشتگيرى هەبێت، بەڵام ڕۆژانى سەرەتاى هەست بەو تەحەدايانە دەكات كە ڕوبەڕوى دەبنەوە كە ئەوەش پێويستى بەوەيە، بەرهەم ساڵح، سەرۆككۆمار هاوكارى بكات بۆ مسۆگەركردنى بەرنامە چاكسازيەكەى.

 

فۆڕن پۆڵسی دەشڵێت، بەرهەم ساڵح ڕۆڵێكى گرنگى هەبوو لەو ماوەيەى كە عادل عەبدولمەهدى سەرۆكوەزيران دەستى لەكاركێشايەوە و لە هەوڵى دۆزينەوەى جێگرەوەيەك بوو بۆى، چەندين پاڵێوراوى ڕەتكردەوە كە ميليشياكانى نزيك لە كۆمارى ئيسلامى ئێران هەوڵيان دەدا بيسەپێنن.

 

ڕونيشكراوەتەوە، ستراتيژى يەكەمى كازمى هەوڵدان بوو بۆ ڕازيكردنى خۆپيشاندەران بەوەى كە گوێيان لێ دەگرێت و نوێنەرى دەنگەكانيان دەبێت، ئەوەش لەپێناو ئەوەى كە نەكەوێتە تەڵەى لەدەستدانى متمانەى حكومەتەكەى كە چەندين ساڵە حكومەتەكانى پێشوو تێى كەوتبوون.

 

ئەوەش هاتووە، گێڕانەوەى عەبدولوەهاب ساعديش كە کۆتایی مانگی نۆی ساڵی ڕابردوو لە بازنەى خزمەتى بەڕێوەبەرايەتى دژە تيرۆر دەرکرا يەكێك بوو لە ديارترين هەنگاوەكان كە كازمى گرتيەبەر دواى بوون بە سەرۆكوەزيران.

 

هەروەها كازمى ليژنەيەكى بۆ لێكۆڵينەوە لە سەرجەم حاڵەتەكانى كوشتنى خۆپيشاندەران پێكهێنا، كە لەماوەى چەند مانگى ڕابردودا كوژراون.

 

لە ڕاپۆرتەکەی ئاماژە بەوەشکراوە، سەرەڕاى ئەوەى كازمى گەندەڵى پەيوەست بە سيستمى وڵات ڕەتدەكاتەوە، بەڵام لەسەرى پێويستە كە لێكتێگەيشتنى فراوانى لەگەڵ حزبەكاندا هەبێت، تا بتوانێت يەكەم ئەركى ڕاپەڕێنێت كە لە هەموو ئەركەكانى ترى هەستيارترە، پێويستە كليلى ستراتيژى چاكسازيەكەشى داواكاريەكانى شەقام و چاكسازى لە ياساى حزبەكان و هەڵبژاردنێكى پاك و دادپەروەر بێت.