گه‌ڕان

Shadow Shadow
سیاسه‌تی

نرخی نەوت بۆ بەرزترین ئاست لەم مانگەدا بەرزبووەوە

2020.05.18 - 09:18
App store icon Play store icon Play store icon
نرخی نەوت بۆ بەرزترین ئاست لەم مانگەدا بەرزبووەوە

ناس کورد-

نرخی نەوت لەبازاڕەکانی جیهان بەردەوامە لە بەرزبوونەوە و بەرزترین ئاستی لەماوەی مانگی ڕابردوودا تۆمارکرد، بەشێوەیەک بەرمیلێک نەوتی خاوی برێنت بە زیاتر لە 33 دۆلار و ئەمریکیش بە 30 دۆلار مامەڵەی پێوەکرا.

کەناڵی ناس کورد لە تێلیگرام جۆین بکە   

 

بەگوێرەی میدیا ئابورییەکانی جیهان، بەیانی ئەمڕۆ (دووشەممە، 18ی ئایاری 2020) بەرمیلێک نەوتی خاوی برێنت بۆ 33.2 دۆلار بەرزبووەوە و بەرمیلێک نەوتی تەکساسیش 30.5 دۆلار مامەڵەی پێوەکراوە.

 

ئاماژە بەوەشکراوە، ئەو نرخە بۆ نەوت بەرزترین ئاستە لەماوەی مانگی ڕابردوودا و ژمارەی پێوانەییە.

 

ئەمە لەکاتێکدایە، لەدوای بڵاوبوونەوەی ڤایرۆسی کۆرۆنا بە هەموو جیهاندا و کەمبوونەوەی خواست لەسەر نەوت، نرخی نەوت بەشێوەیەکی بەرچاو دابەزی، بەشێوەیەک نرخی نەوتی خاوی ئەمریکی گەیشتە ئاستی ژێر سفر.