گه‌ڕان

Shadow Shadow
سیاسه‌تی

شارەزايەكى ئەمريكى وەڵام دەداتەوە

ئايا تا كۆتايى ئەمساڵ چاوەڕێى ڤاكسينى كۆرۆنا بكەين؟

2020.05.17 - 23:44
App store icon Play store icon Play store icon
ئايا تا كۆتايى ئەمساڵ چاوەڕێى ڤاكسينى كۆرۆنا بكەين؟

ناس کورد-

جيهان بە گشتى چاوەڕێى زانايان دەكات بۆ بەرهەمهێنانى ڤاکسينێكى كاريگەرى دژى ڤايرۆسى كۆرۆنا، چاوەكان زياتر لەسەر ولايەتە يەكگرتوەكانى ئەمريكان ئەوەش لەبەر ئەو توانا زانستى و لێكۆڵينەوەيەى ئەو وڵاتە هەيەتى.

 

کەناڵی ناس کورد لە تێلیگرام جۆین بکە   

لەو بارەيەوە "تۆم ئينگلسبى" بەڕێوەبەرى ناوەندى ئاسايشى تەندروستى لە كۆلێژى بلۆمبێرگى گشتى سەربە زانكۆى جۆنز هۆبگينز ئاماژەى بەوەداوە، پێويستە ئەمريكيەكان چاوەڕێى ڤاكسينى دژە كۆرۆنا نەكەن تا كۆتايى ساڵ، لەباشترين ئەگەردا لەوانەيە گەشەى پێ بدرێت.

 

تۆم لە وەڵامى پرسيارى تۆڕى NBC سەبارەت بەوەى كە ئەو ماوەيەى كە 12 بۆ 18 مانگە و باسى لێوە دەكرێت بۆ گەشەپێدانى ڤاكسينێك واقعيیە، وتى "ئەوە بەهيچ شێوەيەك واقعى نييە چونكە ڤاكسينى دژى كۆرۆنا دورە لەوەى شتێك بێت كە دڵنيا بين لێى".

 

ڕونيشيكردەوە، لەبەر ئەوەى 110 پڕۆژەى گەشەپێدانى ڤاكسين لە جيهاندا هەيە و كۆمپانيا گەورەكانى ڤاكسين لە جيهاندا كار بۆ پەرەپێدانى دەكەن، لەئێستادا "ئەنتۆنى فاوشى" بەڕێوەبەرى پەيمانگاى نيشتمانى بۆ هەستيارى و نەخۆشيە گواستراوەكان و "مونسيف سلاوى" بەڕێوەبەرى جێبەجێكارى كۆمپانيا گلاكسوميس كلاين بۆ دەرمان ڕێبەرن لە ولايەتە يەكگرتوەكانى ئەمريكا بۆ ئەو بابەتە، ئەوانيش پێيان وايە گەشەپێدانى ئەگەرى هەيە، منيش پێموايە ئەگەرى هەيە.

 

بەڕێوەبەرى ناوەندى ئاسايشى تەندروستى لە كۆلێژى بلۆمبێرگ ئاماژەى بەوەداوە، پێويستە هەموو شتێك لەسەر ڕێچكەى ڕاستى خۆى بڕوات، هۆشداريش دەدات لەوەى كە زۆر شت ڕوو دەدەن كە دەبنە بەربەست لەبەردەم كارەكە و دەشڵێت "بۆيە پێموايە نابێت پشتى پێ ببەستين".

 

ئەو شارەزا تەندروستيە داواش دەكات، دەست بە هەندێك هيواوە بگرن ئەگەر كارەكان لەسەر ڕێچكەى ڕاست ڕۆشتن ئەوا لەوانەيە تا كۆتايى ئەمساڵ ڤاكسين بەردەست بێت.

 

جەختیش دەكاتەوە، قورسە پێشبينى ئەوە بكەيت كە لەماوەى چەند مانگى داهاتودا چى ڕودەدات بەڵام بە دڵنياييەوە داهاتوو ڕاستيەكە و لەنێو دەستەكانماندايە، ئەوەش پشت بە دوركەوتنەوە لە گردبونەوەى بە كۆمەڵ و جێبەجێكردنى دوركەوتنەوەى كۆمەڵايەتى دەبەستێت.

 

"تۆم ئينگلسبى" هيواشى هەيە كە ئەمريكا بتوانێت كۆنترۆڵى هەر پەتايەك بكات كە بڵاودەبێتەوە و ئەوەش پێويستى بە هەوڵى چڕ هەيە بۆ بەدواداچونى پەتاكە، ئەوەش لەلايەن چەندين وڵاتەوە بە سەركەوتويى بەكارهێنراوە، بۆيە ئەگەر حاڵەتێك ڕويدا ئەوا بە خێرايى لێكۆڵينەوەى لێدەكەن و دڵنيا دەبيتەوە لە جياكردنەوەى پارێزراو بۆ هەموو ئەو كەسانەى پەيوەنديان بە توشبوانەوە هەبوە، بەو ڕێگەيەش كۆنترۆڵى پەتاكە دەكەين.

 

تائێستا لەسەرتاسەرى جيهاندا زياتر لە 4 مليۆن و 770 هەزار كەس توشى ڤايرۆسى كۆرۆنا بون و نزيكەى 315 هەزار كەسيش گيانيان لەدەستداوە، ئەمريكاش پشكى شێرى بەردەكەوێت و ئەو وڵاتە زياتر لە يەك مليۆن و 515 هەزار توشبوو و زياتر لە 90 هەزار گيان لەدەستدانى تێدا تۆمار كراوە.