گه‌ڕان

Shadow Shadow
سیاسه‌تی

ڕێکخەرێکی تری خۆپیشاندانەکانی دهۆک دەستگیرکرا.. پۆلیس لە ماڵەوە بردوویانە

2020.05.16 - 13:31
App store icon Play store icon Play store icon
ڕێکخەرێکی تری خۆپیشاندانەکانی دهۆک دەستگیرکرا.. پۆلیس لە ماڵەوە بردوویانە

ناس کورد-

پەیامنێری ناس کورد ڕایگەیاند، هێزە ئەمنییەکانی دهۆک چوونەتەسەر ماڵی یەکێکی تر لە ڕێکخەرانی خۆپیشاندانەکانی ئەو شارە و دەستگیریان کردووە.

کەناڵی ناس کورد لە تێلیگرام جۆین بکە   

 

دوابەدوای دەستگیکردنی کەریم بەدەل، یەکێک لە ڕێکخەری خۆپیشاندانەکان، نیوەڕۆی ئەمڕۆ پۆلیسی دهۆک ڕۆژنامەوان و چالاکی مەدەنی ئومێد بەروشکییان دەستگیرکرد لە ماڵەکەی خۆیدا، ئومێد ئەندامی گروپی فشار بوو لە دهۆک.

 

پەیامنێری ناس کورد وتیشی، هێزی ئەمنی لە بەردەم بەشێک لە چالاکانی مەدەنی شارەکە دانراوە.

هاوکات شەوی ڕابردوو بەدەل بەرواری، مامۆستا و چالاکوانی مەدەنی لەلایەن هێزە ئەمنییەکانی دهۆکەوە دەستگیرکرا و برایەکیشی دەڵێت، نەمانزانی هێزەکان کێن و سەر بە کێن.  

  

حەمید بەرواری، برای مامۆستا بەدەل بەرواری تایبەت بەناس كوردی ڕاگەیاند، كاتژمێر یەكی ئەمشەو هێزێكی ئەمنیی كە نەمانزانی سەر بەكێن و لە چ دەزگایەكەوە هاتوون هاتنە سەر ماڵی بەدەلی برام و دەستگیریان كرد.  

  

ئاماژەی بۆ ئەوەش كرد، پێشتر هیچ ئاگاداركردنەوەیەك یاخود وەرقەیەكی دادگای بۆ نەهاتووە تەنها ئەو كاتەی چوونەتە سەر ماڵیان زانیوییانە دەستگیری دەكەن.  

  

لەبارەی ناسنامەی ئەو هێزانەشەوە، برای مامۆستا دەستگیركراوەکە وتیشی، هێزەكەیان نەناسیوە و نەیانزانیوە كێین، تەنها دواتر پرسیاریان كردووە وتوویانە براكەیان لەلای پۆلیس دەستگیر كراوە.  

  

لەبارەی هۆكاری دەستگیركردنەكەیەوە، حەمید بەرواری دەڵێت، "پێیانوتووە لەسەر چی بابەتێك دەستگیر كراوە چونكە براكەی من هیچ كێشەیەكی نییە و نەیبووە، دەستگیركردنەكەشی تەنها پەیوەندی بە بانگەشەكەیەوە هەیە كە بۆ خۆپیشاندان دوێنێ داوای ئەنجامدانی خۆپیشاندانی كرد."  

  

حەمید بەرواری وتیشی، تائێستا سەردانی براكەیان نەكردووە لە زیندان و بەنیازن بۆ سبەینێ ڕێكارە یاسایەكان بۆ ئازادكردنی بگرنەبەر.  

  

بۆ وەرگرتنی زانیاری زیاتر لەسەر كەیسی ئەو مامۆستا دەستگیركراوە، ناس كورد چەند جارێك پەیوەندی بە وتەبێژی پۆلیسی شاری دهۆكەوە كرد بەڵام وەڵامی پەیوەندییەكانی نەدایەوە.  

  

هاوکات ئاری بەرواری، کوڕی مامۆستا بەدەل دوای یەک کاتژمێر لە دەستگیرکردنی لە فەیسبوکی خۆی نوسیویەتی، "کوا باوکی منتان بۆ چ زیندانێک بردووە، من دەمەوێت لەگەڵ باوکی خۆم پارشێو بکەم چونکە سفرە بەبێ باوک زۆر ناخۆشە و ئەگەر تۆزێ پیاوەتی لە ئێوەدا هەبێت دێن منیش دەبەن."  

  

بەدەل بەرواری مامۆستای بنەڕەتیە و لە پەنجاكانی تەمەنیەتی، دوێنێ لە گرتەیەكی ڤیدیۆیدا داوای لە مامۆستایان و فەرمانبەران و موچەخۆرانی شاری دهۆك كرد بەشداری لە ئەنجامدانی خۆپیشاندانێكی ناڕەزایەتی بۆ پێدانی موچەكانیان لە شارەكەدا بكەن.