گه‌ڕان

Shadow Shadow
سیاسه‌تی

ڕاپرسییەك: سێیەكى باوەڕدارانی ئەمریكا كۆرۆنا بە پەیامى خودا دەزانن

2020.05.16 - 10:37
App store icon Play store icon Play store icon
ڕاپرسییەك: سێیەكى باوەڕدارانی ئەمریكا كۆرۆنا بە پەیامى خودا دەزانن

ناس کورد-

 

ئەنجامى ڕاپرسییەك دەریدەخات، لە 63% باوەڕدارانی ئەمریكی لەو باوەڕەدان بڵاو بوونەوەی ڤایرۆسی كۆرۆنا پەیامێکى خوداییە، بۆ ئەوەى مرۆڤ شێوازى ژیانى بگۆڕێت. 

کەناڵی ناس کورد لە تێلیگرام جۆین بکە   

 

بەپێی ڕاپرسییەكە كە ئاژانسی ئەسۆشێتید پرێس لە 30 ی نیسانەوە تا 4 ئایار ئەنجامیداوە و 1002 باوەڕدارى ئەمریکى بەشدریان تێدا کردووە، ڕێژەی  4.2 % ى بەشداربووان جەختیان لەباوەڕبونیان بەخودا كردووەتەوە.

 

لەنێوان 63 % ی ڕاپرسیەكەدا 31% وتوویانە هەستێكی بەهێزیان هەیە كە ڤایرۆسی كۆرۆنا پەیامێكە لەخوداوەیە، هەر بەپێی ئەو ڕێژەیەش وتویانە تاڕادەیەك باوەڕەیان بەوە هەیە كۆرۆنا پەیامێكی خودایی بێت.

 

ڕاپرسیەكە بەم شێوەیە رەچەڵەکى  بەشداربوانی دیاریكردووە، 73% ئەمرییكە ڕەشپێستەكان و 65 % ئەمریكیە ڕەچەڵەك ئیسپانییەكان هەستیان بەوە كردووە ڤایرۆسەكە پەیامێكی خوداییە و 48% سپی پێستەكانیش هەمان شتیان وتووە.

 

هەر بەپێی ڕاپرسیەكە، 55% باوەڕدانی ئەمریكا وتوویانە خودا لەبەڵای ڤایرۆسەكە دەیانپارێزێت و 9% لەو باوەڕەدابوونە خودا دەستبەرداربووە لەژیانی مرۆڤایەتی.

 

ڕاپرسیەكە ئەوەشی دەرخستووە، 38% ئەمریكیە باوەڕدارەكان ماڵ و خۆراك دەبەخشن و پاڵپشتی ڕێكخراوەكان یاخود گروپە دینیەكان دەكەن، بەڵام ئەوە لەچاو ساڵی 2019 دا ڕێژەكە دابەزیووە كە 53% لەڕاپرسیەكدا وتبویان ئەو كارانە دەكەن.

 

هەر بەپێی ڕاپرسییەكەی ئەو ئاژانسە جیهانییە، لە 18% ئەمریكییەكان كە پەیوەستبوونی ئاینینان هەبووە كاری خۆبەخشیان لەسەرەتای بڵاوبونەوەی پەتاكەوە لەگەڵ گروپە دینیەكاندا ئەنجامداوە، بەڵام ساڵی 2019 بەڕێژەی 34% بەشداری كاری خێرخوازی و خۆبەخشانەیان كردووە.

 

61 % ئەمریكییە باوەڕدارەكان وتوویانە لەسەرەتای بڵاوبونەوەی پەتاكەوە یارمەتی دراوسێكانیان داوە، بەڵام لەساڵی 2019 بەڕێژەی 65% ئەو كارانەیان كردووە.

 

بەپێی ئامارە فەرمییەكانی ئەو وڵاتە كە لەلایەن زانكۆی هۆبكنزەوە بڵاو دەكرێتەوە، زیاتر لە ملیۆنێك و 400 هەزار هاوڵاتی ئەمریكی تووشی ڤایرۆسەكە بوون و 86 هەزار و 851 كەس گیانیلەدەستداوە.