گه‌ڕان

Shadow Shadow
سیاسه‌تی

هۆشداری دەدرێتە هاووڵاتیان و گەشتیاران

رێژەیەكی زۆر لە ئاوی بەنداوی دوكان بەردەدرێتەوە

2019.04.12 - 08:25
App store icon Play store icon Play store icon
رێژەیەكی زۆر لە ئاوی بەنداوی دوكان بەردەدرێتەوە

کەناڵی ناس کورد لە تێلیگرام جۆین بکە   

ناس كورد-

لەبەرەبەیانی ئەمڕۆ (هەینی)یەوە رێژەیەكی زۆرتری ئاو بەراورد بە رۆژانی رابردوو لە بەنداوی دوكان بەردەدرێتەوە و لەو بارەیەوە ئیدارەی قەزاكە هۆشداری دەداتە هاووڵاتیان و گەشتیاران.

لەراگەیەندراوێكی هاوبەشی ئیدارەی قەزای دوكان و سەرۆكایەتی شارەوانی دوكان كە وێنەیەكی دەست (ناس كورد) كەوتووە، ئاماژە بەوە كراوە لەبەرەبەیانی ئەمڕۆوە بەنداوی دوكان ئاوێكی زیاتر بەردەداتەوە كە دەگاتە (1000) هەزار مەتر سێجا لەچركەیەكدا.

بەگوێرەی راگەیەندراوەكە بەهۆی بەردانەوەی ئەو رێژە زۆرەی ئاوی بەنداوەكە ئاستی ئاوی زێی دوكان بە بەراورد بە رۆژانی رابردوو زیاتر بەرزدەبێتەوە.

راگەیەندراوە هاوبەشەكە روونیدەكاتەوە، هەموو فەرمانگە پەیوەندیدارەكان لە حاڵەتی ئامادەباشیدان و هەماهەنگی تەواو كراوە و ئاگادار كراونەتەوە بۆ بەهاناوە چوونی هاوڵاتیان و هەر حاڵەتێكی نەخوازراو.

داوا لەهاووڵاتیان و گەشتیارانیش كراوە، خۆیان بەدووربگرن لە رۆخی زێكە تا پارێزراو و سەلامەت بن.

جەختیش كراوەتەوە لەسەر سەلامەتی بەنداوەكە و ئاماژە بەوە كراوە "لە ئێستاشدا بەنداوی دوكانیش هیچ كێشەیەكی هونەری و تەكنیكی نیە تەنها بۆ ڕاگرتنی پارسەنگی دەریاچەكە ناچارە ئاوی زیاتر بەرداتەوە".

بۆ هەر حاڵەتێكی نەخوازراو، راگەیەندراوەكە چەند ژمارەیەكی تەلەفۆنی بڵاوكردەوە كە دەتوانرێت پەیوەندییان پێوە بكرێت، ئەوانیش "07701585794 سەرۆكی شارەوانی دوكان، 07740878060 كارزان مستەفا نوێنەری شارەوانی، 07740877437 توانا ئەنوەر نوێنەری شارەوانی، 07701437014 فەرمانگەی بەرگری شارستانی".