گه‌ڕان

Shadow Shadow
سیاسه‌تی

خۆپیشاندەرە بێسەروشوێنەکان چییان لێهاتووە؟

لەبارەی دۆخی زیندانییەكانەوە هیومان ڕایتس وۆچ داوكارییەک ئاڕاستەی كابینەکەی کازمى دەكات

2020.05.14 - 15:49
App store icon Play store icon Play store icon
لەبارەی دۆخی زیندانییەكانەوە هیومان ڕایتس وۆچ داوكارییەک ئاڕاستەی كابینەکەی کازمى دەكات

ناس کورد- 

ڕێكخراوی هیومان رایتس وۆچ داوا لەحكومەت و پەرلەمانی عێراق دەكات چارەسەری كەمتەرخەمییەكان لەدۆسییەكاتی تایبەت بەمافەكانی مرۆڤ بەیاسا بكەن و بەپێویستیدەزانێت بەدواداچوون بۆ یەكلایی كردنەوەی چارەنوسی خۆپیشاندەرە بێسەرو شوێنەكان بكرێت.

 

کەناڵی ناس کورد لە تێلیگرام جۆین بکە   

لەڕاگەیەنراوێكدا كە ڕێكخراوەكە لەسەر ماڵپەڕە فەرمییەكەی بڵاوی كردووەتەوە، چوار ئاستی دیاری كردووە بۆ چاكسازیكردن لەبوارەكانی مافەكانی مرۆڤ لەعێراقدا، كە حكومەت و خولەكانی پێشووی پەرلەمان پێیهەستاون بە گەڵاڵەكردنی پێشنیار و پڕۆژە یاسا بەڵام بڕیاریان لەبارەوە نەدراوە.

 

باس لەوەش كراوە ئەو بوارانە كە پێشنیارەكانی تێدا كراوە، مافی دەستگیركراوان لەدابینكردنی پارێزەر و ڕاگرتنی ئەشكەنجەدان و بەزۆر دانپێدانان و توندوتیژی خێزانی.

 

باسی لەوەش كردووە، لەماوەی چوار ساڵی ڕابردوودا ڕێكخراوەكان داوایان لەبەرپرسانی عێراق كردووە، كۆی ژمارەی زیندانیەكان ئاشكرا بكەن بەڵام تاوەكو ئێستا ڕەتیانكردووەتەوە ئەمەش هەڵسەنگاندنی بۆدۆخەكە قورس كردووە تابزانرێت شێوەی ئازادكردن كەمی كردووە بەشێوەیەك گرفت بۆ قەرەباڵغی زیندانەكان دروستنەكات لەكاتی مەترسییەكانی كۆرۆنادا.

 

سەرچاوەیەكی ئاگاداری زیندانیەكان بەڕێكخراوەكەی وتووە، ئەو زیندانیەك دەناسێت لەبەغدا زیندانیەكانی تر و پاسەوانی زیندانیەكەشی تووشی ڤایرۆسی كۆرۆنا كردووە.

 

لەبارەی دۆسییەی خۆپیشاندانەكانیشەوە، ڕێكخراوەكە دەڵێت، پێویستی بەهەوڵ هەیە بۆ دیاریكردنی شوێنی خۆپیشاندەران كە لێوەی ڕفێنراون و تا ئێستاش نادیارن لەگەڵ فەراهەمكردنی لێپرسینەوەدا.

 

بەڵقیس والی توێژەر لەڕێكخراوەكە ڕایگەیاندووە، عێراق چووەتە ناو قۆناغێكی نوێوە و شەڕی داعش كۆتایی هاتووە لەسەر حكومەت پێویستە كار بۆ مافە بنەڕەتیەكانی خەڵكی عێراق بكات و یاساكان لەگەڵ پێوەرە نێودەوڵەتیەكاندا بگونجێنێت.