گه‌ڕان

Shadow Shadow
سیاسه‌تی

ئێرانییەکان دەبنە یەکەمى ریزبەندى کڕینى خانوبەرە لە تورکیا 

2020.05.13 - 20:08
App store icon Play store icon Play store icon
ئێرانییەکان دەبنە یەکەمى ریزبەندى کڕینى خانوبەرە لە تورکیا 

ناس کورد-

ڕۆژنامەیەکى تورکى بڵاوى کردەوە "ئێرانییەکان لەسەرووی ڕیزبەندی لیستی ئەو بیانیانەدان کە لە ماوەی دوو مانگی ڕابردوودا زۆرترین خانوبەرەیان لە تورکیا کڕیوە".

 

کەناڵی ناس کورد لە تێلیگرام جۆین بکە   

 

بەگوێرەی ڕۆژنامەی"زەمان"ی تورکی، ئێرانییەکان لە ماوەی هەردوو مانگی شوبات و ئاداری ڕابردوودا زیاتر لە 11 هەزار یەکەی نیشتەجیبوونیان لە تورکیا کڕیوە بەوەش خواستی ئێرانییەکان لەسەر خانوبەرە لە تورکیا بەڕێژەی 13.9% بەرزبووەتەوە بەراورد بە ساڵانی پێشوو.

 

 ڕۆژنامە تورکییەکە ئاماژەی بەوە کردووە، ڕێژەی کڕینی خانوبەرە لە چارەکی یەکەمی ساڵی 2020دا نزیکەی 97% بەرزبووەتەوە بەراورد بە ساڵی 2019.

 

ڕۆژنامەی زەمانی تورکی بە پشتبەستن بەداتاکانی دەستەی ئاماری تورکیا، ئەوەی سەلماندووە کە ئێرانییەکان لەماوەی ئەو دوو مانگەدا پێش عێراقییەکان کەوتوون لە کڕینی خانووبەرە لەو  وڵاتەدا کە لەساڵی 2015وە لە ڕیزی پێشەوەی ئەو بیانیانەدا بوون کە خواستیان لەسەر کڕینی خانوبەرە هەبووە لە تورکیا.

 

 بەگوێرەى ئەو زانیارییانەى دەستەی ئاماری تورکیا، عێراقییەکان بۆ ماوەی 57 مانگ لەسەرووی ڕیزبەندەکەدا بوون.

 

جوکهان تاش، بەڕێوەبەری کۆمپانیای  Coldwell Banker تورکی بۆ خانوبەرە بە ڕۆژنامەی زەمانی ڕاگەیاندوە " هۆکاری بەرزبوونەوەی خواست لەسەر کڕینی خانوبەرە لە تورکیا دەگەرێتەوە بۆ ئەو بڕیارەی کە حکومەتی تورکیا داویەتی سەبارەت بەکەمکردنەوەی نرخی خانوبەرە بۆ ئەو بیانیانەی کە ڕەگەزنامەی تورکی بەدەستدەهێنن".