گه‌ڕان

Shadow Shadow
سیاسه‌تی

پسپۆڕێک: کۆرۆنا کۆڵ نادات تاوەکو 60 بۆ 70%ی ئەمریکییەکان توش نەکات

2020.05.13 - 12:02
App store icon Play store icon Play store icon
پسپۆڕێک: کۆرۆنا کۆڵ نادات تاوەکو 60 بۆ 70%ی ئەمریکییەکان توش نەکات

ناس کورد-

بەپێی پێشبینەكانی پسپۆڕە ئەمریكیەكانی كەرتی تەندروستی، شەپۆلێكی تری بڵاوبوونەوەى كۆرۆنا لە ئەمریكا ڕوودەدات كە مەترسی تووشبوونی 60 بۆ 70%ی هاوڵاتیانی ئەو وڵاتە هەیە و بەراوردی دەکات بە شێوازی بڵاوبونەوەی پەتای ئەنفلۆنزای ئیسپانی لە سەرەتای سەدەی نۆزدەهەمدا.

کەناڵی ناس کورد لە تێلیگرام جۆین بکە   

 

مایكڵ ئۆستەراهام، بەرێوەبەری ناوەندی لێكۆڵینەوەی نەخۆشیە گوازراوەكان لە زانكۆی مینیسوتا بە ڕۆژنامەی USTodayی ڕاگەیاندووە، شەپۆلی یەكەمی كۆرۆنا لە ناوچەكانی نیویۆرك و لۆس ئەنجلۆس و سیاتڵ ڕێژەیەكی كەمیی لە توشبوون و مردن بەهۆی ڤایرۆسەكەوە لێكەوتووەتە لەچاو ئەو شەپۆلەی كە لە داهاتوودا دێت.

 

ئاماژەی بۆئەوەش كردووە، ڤایرۆسە ترسناكەكە كۆڵنادات تا هەموو كەسێك كە دەتوانێت تووش نەكات.

 

ئۆسترام هام پێی وایە ڤایرۆسەكە خاو نابێتەوە هەتاوەكو 60 بۆ 70%ی ئەمریكییەكان تووش نەكات، ئەو ژمارەیەش كە پێدەوترێت بەرگری یەكلا كەرەوە ئەوكاتە كۆمەڵگە دەتوانێت بەرپەرچی تەشەنە سەندنی بداتەوە.

 

ئەنفلۆنزای ئیسپانی پەتایەكی كوشندەبوو لە مێژووی مرۆڤایەتیدا كە لە شێوەی شەپۆلی جیاجیا لە سەرتاسەری جیهاندا ڕوویدا، بۆ یەكەمجار لەنێوان سەربازەكاندا بەدیكرا لە بەهاری ساڵی 1918، بەڵام لە شەپۆلی دووەم و سێەمیدا ملیۆنان خەڵكی كوشت كە نزیكەی 675 هەزاری خەڵكی ئەمریكا بوون.


زاناكان دەڵێن، گەر بێتو كۆرۆنا تا هاوین پاشەكشە نەكات ئەوا ئاماژەیەكە بۆ ئەوەی ئەو ڤایرۆسە پەیڕەوی شێوازی وەرزییانەی خۆی بكات هاوشێوەی ئەنفلۆنزای ئیسپانی.

ئۆستراهام دەشڵێت، ئەوەی ڕویداوە لە ئازار و نەهامەتیەكانی مردن و توشبوون و قەیرانی ئابوری بەهۆی كۆرۆناوە بەشێكی كەمە و ئەوەی پێشبینی دەكرێت گرفتارەكە دوور و درێژتربێتەوە تا بگاتە 60 بۆ 70% خەڵكی.

بەوتەی ئەو پسپۆڕەی ئەمریكا، ڤاكسینی دژە كۆرۆنا تەنها ڕێگای چارەسەرە كە بتوانێت ڤایرۆسەكە خاو بكاتەوە پێش ئەوەی ژمارەیەكی زۆری دانیشتوان تووش بكات.