گه‌ڕان

Shadow Shadow
سیاسه‌تی

تویتەر بۆ کارمەندەکانی: دەتوانن بۆ هەمیشە لە ماڵەوە کار بکەن

2020.05.12 - 23:47
App store icon Play store icon Play store icon
تویتەر بۆ کارمەندەکانی: دەتوانن بۆ هەمیشە لە ماڵەوە کار بکەن

ناس کورد-

تۆڕى كۆمەڵايەتى بەناوبانگى تويتەر كارمەندەكانى ئاگاداردەكاتەوە لەوەى كە دەتوانن بۆ هەميشە لە ماڵەكانيانەوە كار بكەن ئەگەر خۆيان ئارەزوو دەكەن.

کەناڵی ناس کورد لە تێلیگرام جۆین بکە   

 

پێگەى BuzzFeed بڵاويكردوەتەوە، دواى ئەوەى كارمەندەكانى نێردرانەوە ماڵەوە بۆ كاركردن بەهۆى بڵاوبونەوەى ڤايرۆسى كۆرۆناوە، ئيدارەى تۆڕەكە كارمەندانى ئاگاداركردووەتەوە لەوەى كە دەتوانن بۆ هەميشە لەماڵەكانيان كار بكەن، ئەويش ئەگەر خۆيان ئارەزوى دەكەن.

 

تويتەر ئەو پيشانەى ديارى نەكردوە كە دەتوان سود لەو بڕيارە ببينن، بەڵام جەختیکردووەتەوە كە تا ڕادەيەك كاركردن لە ماڵەوە لە چەند مانگى ڕابردودا سەركەوتوو بووە.

 

تۆڕى كۆمەڵايەتى تويتەر بەنياز نييە زۆرينەى نوسينگەكانى تا مانگى نۆ بكاتەوە و ڕێگە بە گەشتكردن نادات بۆ گەڕانەوەى كارمەندانى بۆ سەر كارەكانيان، هەروەها سەرجەم چالاكيە ناوخۆييەكانى لە ساڵى 2020 هەڵوەشاندوەتەوە، ئەوەش تا ساڵى 2021 بەردەوام دەبێت.

 

لاى خۆيەوە جێنيفەر كريستى، جێگرى سەرۆكى تويتەر لەو بارەيەوە بە كەناڵى CNNى وتووە، ئەگەر بارودۆخ ڕێگە بدات هەندێك لە كارمەند دەتوانن بۆ هەميشە لە ماڵەكانيانەوە كار بكەن ئەگەر بيانەوێت و كار دەكەين بۆ ئەوەى ئەوە ڕوبدات.

 

باسى لەوەشكردوە، ئەگەر مەرجەكانيش بەردەست نەبوون ئەوا نوسينگەكانمان بە گەرمى پێشوازى لە كارمەندان دەكات و ڕێوشوێنەكانى خۆپاراستن دەگرینەبەر هەرکاتێک زانيمان كات بۆ گەڕانەوە بۆ نوسينگەكان هاتووە.