گه‌ڕان

Shadow Shadow
سیاسه‌تی

كچ و كوڕێكی عاشق خۆیان کوشت دوای ئەوەى کۆرۆنا هاوسەرگیرییەکەیانی دواخست

2020.05.11 - 16:35
App store icon Play store icon Play store icon
كچ و كوڕێكی عاشق خۆیان کوشت دوای ئەوەى کۆرۆنا هاوسەرگیرییەکەیانی دواخست

ناس کورد- 

لە ڕووداوێکی سەیر و تراژیدیادا لە هندستان، کچ و کوڕێکی لاو كە دوو عاشقی یەكتر بوون، دوای ئەوەی بەهۆی ڕێکارەکانی بەرەنگاربوونەوەی ڤایرۆسی کۆرۆنا ئاهەنگی هاوسەرگیرییەکەیان دواکەوتووە، کۆتاییان بە ژیانی خۆیان هێنا.

کەناڵی ناس کورد لە تێلیگرام جۆین بکە   

 

میدیاکانی هندستان بڵاویانکردووەتەوە، گانیشی تەمەن 22 ساڵ و سیسابای كچە تەمەن 20 ساڵ، بۆ ماوەی دوو ساڵە پەیوەندی خۆشتەویستیان هەیە و چەند مانگێك پێش ئێستا ڕێوڕەسمی ئەڵقە گۆڕینەوەیان سازكردووە و وا بڕیاربووە مانگی ڕابردوو بچنە ژیانی هاوسەرێتییەوە. 

 

ئەو کچ و کوڕە خەڵکی ویلایەتی حەیدەرئاباد بوون، بەهۆی کۆرۆناوە خێزانەكانیان بڕیاری دواخستنی ئەو ڕێوڕەسمی هاوسەرگیرییان داوە، بۆیە ئەو دوو دەستگیراندارە پەست و بێتاقەت دەبن لە بڕیارەكە.



پاش ئەوەی داخستن و كەرەنتینەكردن لە ویلایەتەكەیان درێژە دەكێشێت  و ڕێگە بە كۆبوونەوەی خەڵكی و تێکەڵبوونی كۆمەڵایەتی نادرێت، بارودۆخی ئەو دوو عاشقەش بۆ خەمۆكی پەلدەكێشێت و دەكەونە دڵەڕاوكێ و نادڵنیاییەوە لەهاتنی كاتی ڕێوڕەسمی ئاهەنگی گواستنەوەیان، هەربۆیە لە کێڵگەیەکی کشتوکاڵیدا لەڕێگەی خواردنی دەرمانی مێرووەوە کۆتاییان بە ژیانی خۆیان هێناوە. 

 

میدیا ناوخۆییەكانی هیندستان ئاماژەیان بەوەکردووە، بەهۆی كەرەنتینەكردن و گرتنەبەری ڕێوشوێنەكانی بەرەنگاربوونەوەی كۆرۆناوە، دیاردەی نەخۆشیە دەروونییەكان زیادیان كردووە، ئەوەش بەهۆی لێكەوتەی خراپی ئابوری و كۆمەڵایەتی بۆ سەریان.