گه‌ڕان

Shadow Shadow
سیاسه‌تی

قایمقامی سلێمانی: لە بەرەنگاربونەوەی کۆرۆنا سەرکەوتوو بوین 

2020.05.11 - 14:41
App store icon Play store icon Play store icon
قایمقامی سلێمانی: لە بەرەنگاربونەوەی کۆرۆنا سەرکەوتوو بوین 

ناس کورد-

قایمقامی سلێمانی ڕایگەیاند، سەرکەوتوو بوون لە بەرەنگاربوونەوەی ڤایرۆسی کۆرۆنا و هاووڵاتیانیش ئاگاداردەکاتەوە لەوەی، هێشتا بەتەواوی مەترسیی کۆرۆنا نەڕیووەتەوە.

 

کەناڵی ناس کورد لە تێلیگرام جۆین بکە   

 

بەگوێرەی ڕاگەیەندراوێکی قایمقامییەتی سلێمانی، ئەمڕۆ (دووشەممە، 11ى ئایاری 2020)، لەگەڵ دەستپێکردنەوەی دەوامی فەرمانگە حکومییەکان ئاوات محەمەد، قایمقامی سلێمانی لەگەڵ فەرمانبەرانی قائیمقامیەتی سلێمانی کۆبووەوە و ڕایگەیاند :"تا ئێستا ھەنگاوی باشمان ناوە لە بەرەنگاربونەوەی کۆرۆنا".

 

ئاماژەی بەوەشکرد :"لەگەڵ ئەوەشدا ھێشتا مەترسیەکە لە ئارادایە و پێویستە پابەندی مەرج و رێنماییەکان بین و خۆمان بەدوور بگرین لە بەریەککەوتن و قەرەباڵغی، بەتایبەت کە ئێستا دەوامی فەرمانگەکان دەستی پێکردووەتەوە و بازاڕو زۆربەی شوێنەکان کراونەتەوە".

 

قائیمقامی سلێمانی باسی لەوەشکرد: " خۆشبەختانە حاڵەتەکانی توشبوون بە کۆرۆنا لە شاری سلێمانی و بەگشتی ھەرێمی کوردستان رووی لە کەمبوونەوە کردووە و زۆرینەی توشبوان چاکبوونەتەوە، بەڵام ئەمە بەو مانایە نایەت کە ھیچ مەترسیەک نەماوە ، ھێشتا مەترسی لە ئارادایە و پێویستە خۆمان بپارێزین تا ئەوکاتەی کۆرۆنا بەیەکجاری ماڵئاوایی دەکات".

 

ئاوات محەمەد، قایمقامی سلێمانی ئاماژەی بەوەشکرد :"بەھەوڵ و ماندوبونی ھەموان تا ئاستێکی باش توانراوە بەرەنگاری ڤایرۆسەکە ببینەوەو مەترسیەکە لە ھەرێمی کورستان دووربخەینەوە بۆ ئەمەش سوپاسی پابەندبونی ھاووڵاتیانی سلێمانی دەکەین و داوادەکەین تا کۆرۆنا تێدەپەڕێت پابەندی مەرج و رێنماییە تەندروستیەکان بن".

 

راگەیەندراوەکەى قایمقامى سلێمانى لەکاتێکدایە، لەئێستادا لە شاری سلێمانی هیچ نەخۆشێکی ڤایرۆسی کۆرۆنا نییە و سەرجەم توشبووانی پێشتر چاکبوونەتەوە، بەگشتیش لە هەرێمی کوردستان تەنها 15 هەڵگری ڤایرۆسەکە لە نەخۆشخانەکەندا ماون.