گه‌ڕان

Shadow Shadow
سیاسه‌تی

هاووڵاتیانی هەولێر ئاگادار دەکرێنەوە.. کۆرۆنا کۆتایی نەهاتووە

2020.05.11 - 11:28
App store icon Play store icon Play store icon
هاووڵاتیانی هەولێر ئاگادار دەکرێنەوە.. کۆرۆنا کۆتایی نەهاتووە

ناس کورد-

ژوری ئۆپەراسیۆنەکانی پارێزگای هەولێر چەند بڕیار و ڕێنماییەکی تایبەت بە ڕێکارەکانی بەرەنگاربوونەوەی ڤایرۆسی کۆرۆناى بڵاوکردەوە و هاووڵاتیانیش ئاگاداردەکاتەوە، هێشتا مەترسییەکانی ڤایرۆسی کۆرۆنا کۆتایی نەهاتووە.

 

کەناڵی ناس کورد لە تێلیگرام جۆین بکە   

 

ئەمڕۆ (دووشەممە، 11ی ئایاری 2020)، لە ڕاگەیەندراوێکدا ژوری ئۆپەراسیۆنەکانی پارێزگای هەولێر ڕایگەیاند:"هێشتا مەترسی ڤایرۆسی کۆرۆنا کۆتایی نەهاتووە و پێویستە هاووڵاتیانی پارێزگای هەولێر زۆر بەهەستیارانە مامەڵە بکەن و خۆیان بەدوور بگرن لە شوێنە قەرەباڵغەکان و دەستکێش و دەمامک ببەستن".

 

ئاماژەی بەوەشكرد، هەموو ئەو شوێنانەی کراونەتەوە و کاردەکەن دەبێ پابەندی تەواوی ڕێنماییە تەندروستییەکان بن بۆ خۆپارێزی لەکۆرۆنا، هەر شوێنێک پابەند نەبێت ڕێکاری یاسایی بەرامبەر دەگیرێتەبەر.

 

هاوکات ئەوەشخراوەتەڕوو، یانەکانی مەی خواردنەوە، نێرگەلەکێشان، شوێنەکانی مەساج، هۆڵەکانی ئاهەنگ گێڕان، هۆڵەکانی پرسە، دانانی پرسە و سەردانی نەخۆش لە نەخۆشخانەکان، قەدەغەیە و شوێنەکانیان بەداخراوی دەمێننەوە.