گه‌ڕان

Shadow Shadow
سیاسه‌تی

لیژنەى باڵاى تەندروستى سێ بڕیارى دەرکرد

عێراق وادەى گەڕانەوەى قەدەغەى تەواوەتى هاتوچۆى دیاریکرد

2020.05.10 - 20:24
App store icon Play store icon Play store icon
عێراق وادەى گەڕانەوەى قەدەغەى تەواوەتى هاتوچۆى دیاریکرد

ناس کورد-

لیژنەى باڵاى تەندروستى و سەلامەتى لە عێراق بەسەرۆکایەتى مستەفا کازمى سەرۆکوەزیرانى نوێ، بڕیاریدا تا رۆژى جەژن قەدەغەى هاتووچۆ درێژبکرێتەوە و رۆژانى جەژنیش قەدەغەى تەواوەتى هاتوچۆ جێبەجێ بکرێت.

 

 

کەناڵی ناس کورد لە تێلیگرام جۆین بکە   

 

نوسینگەى ڕاگەیاندنى سەرۆکوەزیران لەراگەیەندراوێکدا ڕایگەیاند، لیژنەکە ئەمڕۆ بە سەرۆکایەتى مستەفا کازمى کۆبووەتەوە، بۆ تاوتوێکردنى بەرنامەى کار و پێداچونەوە و هەڵسەنگاندنى بڕیارى قەدەغەى هاتووچۆ.

 

لەکۆبوونەوەکەدا کازمى جەختیکردوەتەوە، کە کۆرۆنا جەنگ و ئاڵنگارییەکى ڕاستەقینەیە، دەبێت هەوڵەکان بۆ بەرەنگاربوونەوەى چڕبکرێتەوە.

 

بەگوێرەى راگەیەندراوەکە، لیژنەکە سێ بڕیارى داوە کە یەکەمیان، درێژکردنەوەى وادەى قەدەغەى هاتووچۆیە لەنێوان کاتژمێر پێنجى ئێوارە بۆ پێنجى بەرەبەیان، دووەمیشیان قەدەغەى تەواوەتى هاتووچۆیە لە رۆژانى جەژنى ڕەمەزاندا.

  

بڕیارى سێیەمى لیژنەکە تایبەتە بە دانانى مەرجى سەلامەتى بۆ گواستنەوەى هاووڵاتیان بە هۆکارەکانى گواستنەوەى ناوخۆیی و لێپرسینەوە لەو کەسانەى پێشێلى رێنماییەکان دەکەن.

 

بڕیارەکانى لیژنەکە دواى بەرزبوونەوەى زیاترى ژمارەى توشبووانى کۆرۆنا دێت لەسەر ئاستى عێراق.

 

بەگوێرەى ئامارەکانى وەزارەتى تەندروستى، ئەمڕۆ لەعێراق 88 حاڵەتى نوێی توشبوون بە کۆرۆنا تۆمارکراوە، بەوەش کۆى توشبووان گەیشتووەتە 2767 حاڵەت، کە 109 کەسیان گیانیانلەدەستداوە و 1734 کەسیان چاکبوونەتەوە.