گه‌ڕان

Shadow Shadow
سیاسه‌تی

دوای كۆرۆنا زاناكان هۆشداری لەبارەى ڤایرۆسى مەریخ دەدەن

2020.05.10 - 18:22
App store icon Play store icon Play store icon
دوای كۆرۆنا زاناكان هۆشداری لەبارەى ڤایرۆسى مەریخ دەدەن

ناس کورد- 

لەکاتێکدا هێشتا مرۆڤایەتى لە ڤایرۆسى کۆرۆنا ڕزگارى نەبووە زاناكان هۆشداری گواستنەوەی چەند ڤایرۆسێكی نامۆ لەمەریخەوە بۆ سەر زەوی لەڕێگەی مانگە دەستكرد و تیمە ئاسمانییەكانەوە دەدەن و داواش دەكەن هەموو ئەو كاروانانەی كە دەچنە سەر مانگ و دەگەڕێنەوە پرۆسەی پاکژکردنەوەى چڕوپڕیان بۆ ئەنجام بدرێت بۆ دورخستنەوەی گواستنەوەی ڤایرۆسەكان.

 

کەناڵی ناس کورد لە تێلیگرام جۆین بکە   

ڕۆژنامەی نیویۆرك پۆست بڵاوی كردەوە، بەپێی شارەزایانی زانكۆی ستانفۆرد، نمونە بەردینەكان لە هەسارەی مەریخەوە دێن و چەند ڤایرۆسێكی نامۆ بۆ سەر گۆی زەوی دەگوازنەوە، ئەمەش وای كردووە زاناكان ئەگەری هاتنى شەپۆلێكی نوێی ڤایرۆسەكان بكەن.

 

ئەو موشەك و مانگانەی كە لەمەریخەوە دەگەڕێنەوە سەر زەوی پڕۆسەی پاکژكردنەوەی كیمیاییان بۆ دەكرێت كە دەخرێنە بەر پلەی گەرمی بەرزەوە، و ئەوانەشی كە لەسەری بوون و هەروەها نمونەی ئەو خۆڵ و بەردەی پێوە دەبن، كەرەنتینە دەكرێن بۆ ماوەیەك بەمەبەستی دورخستنەوەی لەهەر مەترسییەكی ڤایرۆسی .

 

لەبارەی ئەو مەترسیانەوە، سكۆت هۆبارد مامۆستا لە بەشی زانستی ئاسمانیی لەزانكۆكە دەڵێت، پاراستنی گۆی زەوی دەبێت ببێتە یەكێك لە ئەركە لەپێشینەكانیان  لەكاتی هاتنی هەر كەس و شتێك لەسەر مەریخەوە بۆ سەر زەوی.

 

ئاماژەی بۆ ئەوەش كردووە، لەبارەی ئەگەری بەركەوتنی بەردێكی گەورەوە كە تەمەنی ملیۆنەها ساڵە لەمەریخەوە بۆ سەر زەوی، ئەگەرێكی لاوازە.



ئەو پسپۆڕە باسی لەوەش كردووە، نمونەكانی سەر مەریخ كە ئاژانسی ناسای ئەمریكی بەدەستی دەگات كەرەنتینەی دەكات بۆ ئەوەی سەلامەتیەكەی لەتوشبوونی هەر جۆرە ڤایرۆسێكدا بپارێزێت.