گه‌ڕان

Shadow Shadow
سیاسه‌تی

پۆمپیۆ دەسەڵاتی ئێران بە نازییەکان دەچوێنێت و داوای هاوکاری دەکات بۆ لەناوبردنی

2020.05.10 - 09:34
App store icon Play store icon Play store icon
پۆمپیۆ دەسەڵاتی ئێران بە نازییەکان دەچوێنێت و داوای هاوکاری دەکات بۆ لەناوبردنی

ناس کورد-

مایک پۆمپیۆی وەزیری دەرەوەی ئەمریکا بەرپرسانی ئێران بە نازییەکانی ئەڵمانیا ناودەبات و دەڵێت، ئێستا ئەمریکا لەگەڵ سیستمێکی تاوانکار و مەترسی بۆسەر ئەمنییەتی ناوچەکە هاوشێوەی نازییەکان لە ڕووبەڕووبوونەوەدایە، داواش دەکات جیهان هاوکارییان بکەن بۆ وەستاندنی ئێرانییەکان.

کەناڵی ناس کورد لە تێلیگرام جۆین بکە   

 

پۆمپیۆ لە دووەمین ساڵیادی کشانەوەی ئەمریکا لە ڕێککەتنی ئەتۆمی ئێران لەڕێگەی وەزارەتی دەرەوەی وڵاتەکەیەوە ڕاگەیەندراوێکی بڵاوکردەوە و ڕایگەیاند: "75 ساڵ پێش ئێستا ئەمریکا و هاوپەیمانەکانی بڕیاریاندا نازییەکان و ئایدۆلۆژیای ئەو سیستەمە لەناوبەرن، ئێمە ئەمڕۆ لەگەڵ سیستمێکی دیکەی تاوانکار و مەترسییەکی گەورە لەسەر ئاسایشی ناوچەکە لە ڕووبەڕووبوونەوەداین".

 

وەزیری دەرەوەی ئەمریکا ئاماژەی بەوەشکرد: "داوا لەکۆمەڵگای نێودەوڵەتی دەکەین بەشداربێت لەگەڵمان بۆ وەستاندنی گەورەترین پارێزەری ئامێرە زیانبەخشەکان".

 

هاوکات دەربارەی کشانەوەی ئەمریکا لە ڕێککەوتننامەی ئەتۆمی پێش دوو ساڵ، پۆمپیۆ دەڵێت: "لەدوای ئەو کشانەوەیە ئەمریکا و ڕۆژهەڵاتی ناوەڕاستیش بارودۆخیان سەقامگیرترە".

 

وەزیری دەرەوەی ئەمریکا جەختیشیکردووەتەوە، بەمەبەستی نوێکردنەوەی سزا سەربازییەکانی سەر ئێران، هەموو ڕێگەیەکی دیبلۆماسی دەگرنەبەر کە لە مانگی تشرینی یەکەمی داهاتوو کۆتایی دێت.