گه‌ڕان

Shadow Shadow
سیاسه‌تی

دوایین شازادە و میراتگری بنەماڵەی پادشایەتی عێراق کۆچی دواییکرد

2020.05.09 - 23:33
App store icon Play store icon Play store icon
دوایین شازادە و میراتگری بنەماڵەی پادشایەتی عێراق کۆچی دواییکرد

ناس کورد-

دواین شازادە و میراتگری دوا بنەماڵەی پاشایەتی عێراق لە تەمەنی 100 ساڵێدا لە شاری لەندەنی پایتەختی وڵاتی بەریتانیا کۆچی دواییکرد.

کەناڵی ناس کورد لە تێلیگرام جۆین بکە   

 

ئەمڕۆ شەممە 9ى ئایاری 2020، شازادە بەدیعەی کچی عەلی کوڕی حسێن، دوا شازادەی بنەماڵەی پادشایەتی عێراق لە تەمەنی 100 ساڵێدا لە شاری لەندەن لە وڵاتی بەریتانیا کۆچی دوایکرد.

 

بەدیعەی کچی عەلی لە ساڵی 1920 لە شاری دیمەشقی پایتەختەی وڵاتی سوریا لەدایکبووە، بەشێک لە تەمەنی مناڵیی لە شاری مەکە لەوڵاتی سعودیە ژیاوە، پاش ئەوەی شا فەیسەلی یەکەمی مامی لە ساڵی 1921دەبێتە بادشای عێراق لەگەڵ خێزانەکەیدا نیشتەجێی عێراق دەبن.

 

شازادە بەدیعە کچەزای شەریفی کوڕی حسێنە کە لە میژوودا ناسراوە  بە ڕابەڕی شۆڕشی عەرەبی مەزن  کە لە ساڵی 1916 ئاڵای شۆرشی  دژ بە حکومی عوسمانییەکان بەرزکردەوە لەحیجاز و شۆرشەکەشی بەردوامبوو تا نەمانی دەسەڵاتی عوسمانییەکان لە کۆتایی جەنگی یەکەمی جیهانیدا لە ساڵی 1918.  

 

شازادە بەدیعە، لە دەیان چاوپێکەوتنی میدیاییدا وەک گواهیدەرێکی زیندوو باسی لە ساتەکانی ڕوخاندنی ڕژێمی پادشایەتی لە عێراق کردووە لە ئاکامی  شۆرشەکەی عەبدولکەریم قاسم دا لە 14ى تەموزی ساڵی 1958 و ئەو کوشتارگەی کە شۆرشگێران دەرهەق بە بنەماڵەی پادشایەتی ئەوسای عێراقیان کردووە لە ناو کۆشکی " ڕیحاب".

 

شازادە بەدیعە پۆری شا فەیسەلی دووەمە دوا پاداشای عێراق، کاتێک سەربازەکان لە ئاکامی شۆرشەکەی عەبدولکەریم قاسم دا هەڵیانکوتاوەتە سەر کۆشکی ریحاب لە بەغدا و شاو بنەماڵەکیان کوشتووە ئەو لەوێ نەبووە، دواجار بەنهێنی خۆی گەیاندوەتە باڵوێزخانەی وڵاتی سعودیە و لەوێشەوە گەیندراوەتە وڵاتی میسر، ماوەیەک لەوێ ماوەتەوە، پاشانیش لەوڵاتی سویسرا نیشتەجیبووە، دوایین جاریش  لە شاری لەندەن  گیرساوەتەوە.

 

 شازادە بەدیعەی دایکی شەریف عەلی کوری حسێنە کە یەکێک بوو لە ئەندامانی ئەنجومەنی حکوم لە عێراقدا دوای ڕووخانی ڕژێمی سەدام حسێن لە سەردەستی ئەمریکییەکان لە ساڵی 2003.