گه‌ڕان

Shadow Shadow
سیاسه‌تی

پۆمپیۆ باسى کێشانەوەى پاتریۆت لەسعودیە دەکات..پەیوەندى بە پرسى نەوتەوە هەیە؟

2020.05.09 - 09:09
App store icon Play store icon Play store icon
پۆمپیۆ باسى کێشانەوەى پاتریۆت لەسعودیە دەکات..پەیوەندى بە پرسى نەوتەوە هەیە؟

ناس کورد-

 

وەزیری دەرەوەی ئەمریكا ڕەتیدەكاتەوە کێشانەوەى پاترییەكانی پاتریۆت لەسعودییە بۆ فشارخستنە سەر ئەو وڵاتە بێت لەپرسەكانی تایبەت بەنەوتدا، جەختیشیکردەوە وەكو پاڵپشتی ئەو وڵاتە دەمێننەوە بۆ پاراستنی لەمەترسییەكانی ئێران.

کەناڵی ناس کورد لە تێلیگرام جۆین بکە   

 

مایك پۆمپیۆ وەزیری دەرەوەی ئەمریكا لەچاوپێكەوتنێكی ڕۆژنامەوانیدا ڕایگەیاند "دەمەوێت ئەوە ڕونبكەمەوە ئەوپاتریانە ماوەیەكە بڵاوكراونەتەوە و دەبێت هێزەكان بگەڕێنەوە چونكە پێویستیان بەدووبارە بڵاوەپێكردن هەیە، وەزارەتی بەرگریش لەو بارەیەوە ڕوونكردنەوەی زیاتر دەدات"

 

ئاماژەی بۆ ئەوەشكردووە، بەڵام ئەوە دانپێدانان نییە بەنەمانى مەترسییەكان، "هیوادارین ئێران ڕەفتارەكانی بگۆڕێت بەڵام هیشتا مەترسیەكان ماونەتەوە".

 

پۆمپیۆ باسی لەوەكردووە، ئەو کارە بەواتای كەمكردنەوەی پاڵپشتییەكانیان بۆ سعودیە نایەت و ئەوەی لەتوانایاندا بێت بۆ پاراستنی ئاسایشى ئەو وڵاتە و پێدانی سیستمی بەرگری ئاسمانیی بۆی دەكەن، بۆ ئەوەی ئێرانیەكان نەتوانن ببنە هەڕەشە بەسەرییەوە.

 

پێشتر سەرچاوەیەك لەوەزارەتی بەرگری ئەمریكا بەكەناڵی حورەی ڕاگەیاندبوو، كشانەوەی پاترییەكانی پاتریۆت بۆ تاوتوێكردنی پلانێكە بەمەبەستی ڕێگریكردن لەمەترسییەكانی ئێران و لەگەڵ بەرپرسانی ڕیازدا ئەو كارە بەڕێكکەوتن كراوە، لەئێستاشدا سعودیە سیستمی بەرگری بەهێزە و خۆی دەتوانێت بەرەنگاری موشەكی بالیستی و هەر جۆرە موشەكێكی تر ببێتەوە كە بە هەڕەمەكی لەلایەن حوسییەكانەوە ئاڕاستەی بكرێت.