گه‌ڕان

Shadow Shadow
سیاسه‌تی

كێشەیەكی تەكنیكی بۆ ڤاكسینی دژە كۆرۆنا دروستدەبێت

2020.05.08 - 22:26
App store icon Play store icon Play store icon
كێشەیەكی تەكنیكی بۆ ڤاكسینی دژە كۆرۆنا دروستدەبێت

ناس کورد-

 

بەگوێرەی شارەزایانی بوارەكە، دوای ئامادە كردنی ڤاكسینی کۆرۆنا و بڕیاری بەکارهێنان و دابەشكردنی، پڕۆسەی هەڵگرتنی لەشوشە و ئامادەكردنی ئەو جۆرە بوتڵە تایبەتەش كاتێكی زۆری دەوێت و ئەو ئامادەسازییانە دەبێتە هۆكاری دواخستنی بەبازاڕكردنی ڤاكسینەكە.

کەناڵی ناس کورد لە تێلیگرام جۆین بکە   

 

بەپێی ماڵپەڕی بێزنس ئینسایدەر، زیاتر لە 100 ڤاكسین بۆ بەرەنگاربوونەوەی ڤایرۆسی كۆرۆنا لەسەرتاسەری جیهاندا بەرەو پێشەوە براوە، بەڵام زۆربەی كارەكانیان لەقۆناغی دواتردا ئاڵۆزبووە.



شارەزایانیش لەو بارەیەوە دەڵێن، دوای وەرگرتنی ڕەزامەندی بۆ بەبازاڕ كردنی ڤاكسینەكان، كۆمپانیا دروستكراوەكان هەوڵی دابینكردنی بوتڵی شوشەی دەدەن بۆ پاراستنی ڤاكسینەكە، گەر لە نزیكترین كاتتدا و لەمانگی ئەیلولی داهاتوودا كارەكان تەواو بوو، ئەوا پڕۆسەی هاوردەكردنی ئەو بوتڵە شوشانە دوادەكەوێت.

 

بوتڵە شوشەیەكانی ڤاكسینەكەش لەجۆرێكی تایبەتی شوشە دروستدەكرێت بۆ هەڵگرتنی لەنێوان 2 بۆ 100 ملم شلی دا و بەرزییەكەی دەگاتە 45 ملم و پانیی و قەبارەكەشی دەگاتە 11.5 ملم.

 

بوتڵەكان بەرگری نزمی پلەكانی گەرمایان هەیە و هەروەها توانای گواستنەوەشیان ئاسانە.

 

پرۆفیسۆر جیفری ئەڵمۆند كە توێژەرە لەبەشی نەخۆشیەكانی زانكۆی ئۆكسفۆرد دەڵێت، ئەوە ڕوونە پێداویستی بۆ بەرهەمهێنانی زیاتری ئەو بوتڵانە گرنگن.

 

ماڵپەڕەكە باس لەوەش دەكات، پرۆسەی ئامادەكردنی ڤاكسینەكان پێدەوترێت پڕ كردن و كۆتایهێنان و هەموو كاتیش ئەوە دەبێتە هۆی دواكەوتنی ڤاكسینەكان.

 

ڕوونیشیكردووەتەوە، ئەوەش پرۆسەیەكی قورسە كە ڤاکسینەکە بکرێتە ملیونەها بوتڵەوە، پێش ئەوەی پشكنینی دەستی بۆ هەر یەكەیان بكرێت بەمەستی باشی جۆرەكەی.