گه‌ڕان

Shadow Shadow
سیاسه‌تی

توركیا بەدلەی پزیشكیی ماوەبەسەرچووی بۆ خۆپارێزی لە كۆرۆنا ڕەوانەی بەریتانیا کردووە

2020.05.07 - 16:07
App store icon Play store icon Play store icon
توركیا بەدلەی پزیشكیی ماوەبەسەرچووی بۆ خۆپارێزی لە كۆرۆنا ڕەوانەی بەریتانیا کردووە

ناس کورد-

 

ڕۆژنامەیەكی بەریتانیی ئاشكرایکرد، دوای ئەوەی بەریتانیا ناچاربووە بۆ پڕكردنەوەی پێداویستیە پزیشكیەكانی بەتایبەت بەدلەی خۆپارێزی لەڤایرۆسی چەند كاروانێك لەو بەدلەیە لەتوركیا بکڕێت، بەڵام دوای گەیشتن و پشكنینی دەرکەوتووە بەكەڵكی بەكارهێنان نایەن و ئێكسپایەر بوون.

کەناڵی ناس کورد لە تێلیگرام جۆین بکە   

 

بەپێی ڕاپۆرتێكی ڕۆژنامەی The Guardian  دوای دوو هەفتە لەگەیشتنی چەند فڕۆكەیەکی بارهەڵگر لەكەلوپەلی پزیشكی بۆ كارمەندانی تەندروستی لەتوركیاوە بەرەو بەریتانیا، 400 هەزار بەدلەی پزیشكی كە لەو بارانەدا بووە دەستی بەسەردا گیراوە، بەهۆی ئەوەی بەكەڵكی بەكارهێنان نایەن بەپێی پێوەرە تەندروستییەكانی بەریتانیا.

 

هاوکات، شەوی ڕابردوو وەزارەتی تەندروستی و چاودێری كۆمەڵایەتی بەریتانیا ئەوەی ڕاگەیاند،  بڕیارە بارهەڵگرەكان بەرەو توركیا بگەڕێنرێنەوە و لەڕابردوشدا ڕوداوی هاوشێوە ڕوویانداوە.

 

دوای ئەوەی ژمارەیەك لەكارمەندانی تەندروستی بەریتانیا ڕەتیانكردەوە بەبێ دابینكردنی كەرەستەی پێویست درێژە بەكارەكانیان لەنەخۆشخانەكاندا بۆ توشبووانی كۆرۆنا بدەن، 18ی مانگی ڕابردوو بەرپرسانی حكومی هەواڵی گەیشتنی چەند كەرەستە و كەلوپەلێكیان بە وڵاتەكەیان ڕاگەیاند.

 

ئەوەش لەكاتێكدایە دوای تەشەنە سەندنی ڤایرۆسی كۆرۆنا لەبەریتانیا و فشار خستنەسەر نەخۆشخانەكان وای كرد كەمبونەوە و نەبوونی كەرەستە و كەلوپەلی پێویست لەنەخۆشخانەكانی بەریتانیادا ڕوبدات، بەتایبەتی بەدلەی خۆپارێزی پزیشكان و چەند كەرەستە و كەلوپەلێكی دیكە، ئەوەش پاڵی بەبەرپرسانی تەندروستی ئەو وڵاتەوە نا بەپەلە هەوڵی كڕینی ئەو پێداویستانە لەچەندین وڵات بدەن و لەتوركیاش ژمارەیەك بەدلەی كڕی و لەگەڵ گەیشتن و پشكنیندا بەرپرسانی تەندروستی بەریتانیا بۆیان دەركەوت ئێكسپایەرن.