گه‌ڕان

Shadow Shadow
سیاسه‌تی

عەلی حەمەساڵح: دەرکەوت پارتی چی بوێت لە پەرلەمان و حکومەت دەیکات

2020.05.07 - 15:14
App store icon Play store icon Play store icon
عەلی حەمەساڵح: دەرکەوت پارتی چی بوێت لە پەرلەمان و حکومەت دەیکات

ناس کورد-

پاش هەڵگرتنی پارێزبەندی لەسەر سۆران عومەر، سەرۆکی فراکسیۆنی کۆمەڵ لە پەرلەمانی کوردستان ڕایگەیاند، چییان بێدەکرێت با درێغی نەکەن، سەرۆکی فراکسیۆنی گۆڕانیش دەڵێت، دەرکەوت پارتی چی بوێت لە پەرلەمان  و حکومەتدا دەیکات.

کەناڵی ناس کورد لە تێلیگرام جۆین بکە   

 

ئەمڕۆ پێنجشەممە، 7ی ئایاری 2020، لە دانیشتنێکی پەرلەمانی کوردستاندا، لابردنی پارێزبەندی هەریەک لە پەرلەمانتاران، سۆران عومەر، ئومێد خۆشناو، عەلی حەمەساڵح وشیرین ئەمین، خرایە دەنگدانەوە و بەزۆرینەوەی دەنگی ئامادەبووان پارێزبەندی تەنها لەسەر سۆران عومەر لادرا.

 

 

عەبدولستار مەجید، سەرۆکی فراکسیۆنی کۆمەڵ لە پەرلەمانی کوردستان لە هەژماری خۆی لە تۆڕی کۆمەڵایەتی فەیسبوک ڕایگەیاند: "گۆم تا قوڵ بێت مەلەی خۆشە، ھیچ فشار و چاوسورکردنەوەیەک ناتوانێت بمانوەستێنێت لە قسەی حەق و دژایەتی دەسەڵاتێکی دز و گەندەڵ."

 

سەرۆکی فراکسیۆنی کۆمەل ئاماژەی بەوەشکردووە: " ئێمە بەردەوامین، ئێوەش چیتان پێدەکرێت درێغی مەکەن."

 

هاوکات هەر لەوبارەیەوە، عەلی حەمەساڵح، سەرۆکی فراکسیۆنی گۆڕان لە پەرلەمانی کوردستان لە کۆنگرەیەکی ڕۆژنامەوانیدا ڕایگەیاند: "بەداخەوە پێمانوابوو لەم دۆخەدا پەرلەمان لەسەر ژیان و گوزەرانی خراپی خەڵک کۆدەبێتەوە، لەسەر پرسی داهاتی نەوت کۆدەبێتەوە کە لەساڵی 2019 %60ی نەچووەتەوە وەزارەتی دارایی."

 

وتیشی، دەرکەوت کە پارتی هەرچییەکی بوێت لە پەرلەمان و حکومەت دەیکات و بیەوێت پارێزبەندی لەکێ وەربگرێتەوە لێی وەربگیرێتەوە، بیەوێت کەسایەتی کێ ناشرین بکات بە سیناریۆ بیکات، کەواتە ئەوە پرسیارە لەسەر هێز و لایەنە سیاسییەکانی دیکە.

 

سەرۆکی فراکسیۆنی گۆڕان ئاماژەی بەوەشکرد: "بە بەشداری نەکردنمان لە دانیشتنەکە بە خەڵی کوردستان و بە پارتیمان وت، بەهەموو شتێک ڕازی نین، ڕێککەوتنی ئێمە بۆ چاکسازیکردن بووە، نەک بۆ ئەوەی لایەنێک هەرچییەکی ویست لە پەرلەمان بیکات."

 

جێی ئاماژەیە، دانیشتنەکە بەسەرۆکایەتی هێمن هەورامی، جێگری سەرۆکی پەرلەمان بەڕێوەچوو، بەوپێیەی سەرۆکی پەرلەمان و فراکسیۆنی یەکێتی بایکۆتی دانیشتنەکەیان کرد.