گه‌ڕان

Shadow Shadow
سیاسه‌تی

هەڵگرتنی ڕێوشوێنەكان بەشە خراپەكەی قەیرانی دابەزینی نرخی نەوت كۆتایی پێدەهێنێت؟

2020.05.06 - 17:00
App store icon Play store icon Play store icon
هەڵگرتنی ڕێوشوێنەكان بەشە خراپەكەی قەیرانی دابەزینی نرخی نەوت كۆتایی پێدەهێنێت؟

 

 ناس کورد- 

كۆمپانیا زەبەلاحەكانی بواری دەرهێنان و بازرگانی نەوت لەجیهاندا لەو باوەڕەدان بەشە خراپەكەی قەیران ئەو كەرتە لەدابەزینی خواست لەسەر وزە بەكردەیی كۆتایی هاتووە، بەتایبەتی دوای هەڵگرتنی هەندێك ڕێوشوێنەكانی کەرەنتینەكردن و ڕێگریكردن لەپەتاكە و بوژانەوەی نرخەكانی نەوت.

 

کەناڵی ناس کورد لە تێلیگرام جۆین بکە   

 

دوای دابەزینی بۆ ئاستی سفر و داكشانێكی بێ وێنەی نەوتەكە لەئێستادا نرخی نەوتى برنت بۆ سەرووی 30 دۆلار بەرزبووەتەوە و چاوەڕواندەكرێت ئاستی دابەزینەكەی كە لەچەند هەفتەی ڕابردودا ڕوویدا ڕابگیرێت و بەپێچەوانەشەوە بەوتەی شارەزایانی بوارەكە بەرەو هەڵكشان بڕوات بەڵام کاتیشى دەوێت.

 

هێشتا شارەزایان دڵنیانین لەو ماوەیەی كە ئابوری جیهانی پێویستیەتی بۆ گەڕانەوەی ئاستی بەركاربردنی نەوت كە پێش قەیرانی كۆرۆنا هەیبوو.

 

ئاماژە هاندەرەكان

لەڕاپۆرتێكیدا كە لەماڵپەڕی ئۆیڵ برایسی ئەمریكی بڵاوی كردووەتەوە، سفیتانا باراسكۆفای نوسەر دەڵێت، ڕاوبۆچونی باو لەئێستادا ئەوەیە گەڕانەوەی خواست لەسەر نەوت بۆ ئاستی ساڵی 2019 زیاتر لەساڵێكی پێدەچێت.

 

ئاماژەی بۆ ئەوەش كردووە،دوا هاڕەكردنی نرخی نەوت لە ماوەی دوو هەفتەی ڕابردوودا دووبارە خواست لەسەر نەوت زیادی كردووە بەڵام ئەو كەرتە پێویستی بەچاوەڕوانی هەیە تا كۆتایی ساڵی 2021 بۆ ئەوەی ئاستی خواست لەسەری بگاتە ملیۆنێك بەرمیلی ڕۆژانە و هەندێكیش لەشارەزایان ڕەشبینن لەسەر دۆخەكە و پێیانوایە ناگەڕێتەوە بۆ ئاستەكەی خۆی.

 

نوسەر لەسەرزاری بنڤان بێردنی بەرێوەبەری كۆمپانیای فرە ڕەگەزەكانەوە دەڵێت، ئەوەی ڕوودەدات قەیرانی متمانەیە و كەس نازانێت چ شتێك چاوەڕوانی داهاتوویانە.

 

ستیفتانا باسی لەوەش كردووە، بێگومان خواست لەسەر نەوت دەگەڕێتەوە بۆ دۆخەكەی جارانی بەڵام ئەوەش بەخاوی ڕوودەدات و كاتێكی زۆری پێویستە بۆ ئەوەی بەتەواوەتی شوێنەواری قەیرانەكە چارەسەر بكرێت.

 

بەپێی كۆمپانیای شەل، كە كۆمپانیایەكی زەبەلاحی بازرگانی نەوتە، خواست لەسەر نەوت دەكرێت بگەڕێتەوە بۆ دۆخى جارانى و دواتریش دەست بەدابەزین بكاتەوە.



لای خۆشیەوە گۆ گۆردەر بەڕێوبەەری جێبەجێكاری كۆمپانیای ڤالیرۆ و ئەنرژی لەئەمریكا ڕایگەیاندووە، چەند ئاماژەیەكی كۆتایهاتنی بەشێك لەقەیرانەكە دەركەوتووە بەتایبەت دوای ئەوەی بەشێك لەخەڵكی لەماڵەكانیان دەچنە دەرەوە و كارەكانیان دەستپێدەكەنەوە.



بەهەمان شێوە، دارین ودزی بەڕێوبەری جێبەجێكاری كۆمپانیای ئەكسۆن مۆبیلی ئەمریكا دەڵێت، لەو باوەڕەدایە چەند ئاماژەیەكی سەرەتا و هاندەر لەكەرتی گواستنەوەدا بەتایبەتی كەرتی گواستنەوەی وشكانی دەستیپێكردووە.



نرخەكانی نەوت لەئەمریكا بۆ یەكەمجار لەدوای دە هەفتە لەدابەزین چەند بەرەوپێشچونێكی بەخۆیەوە بینیوە و 24ی مانگی نیسان داتاكانی وزەی ئەمریكا ئەوەی پیشاندا ئاستی بەكاربردنی وزە بەرزبووەتەوە و ئەوەش ئاماژەیەكە بۆ ئەوەی بەشێك لە قەیرانەكە كۆتایی هاتووە.

خواستیش لەسەر گاز لەئەمریكا لە 5.31 ملیۆنەوە بۆ 5.86 ملیۆن بەرمیل ڕۆژانە بەرزبویەوە و چەند ئاستێكی بەراورد بەساڵی ڕابردودا ماوە تێپەڕێنێت.

 

كۆمكاری ئەمریكا بۆ ئۆتۆمبیلەكانیش ڕایگەیاندووە، دوای هەڵگرتنی بەشێك لەڕێوشوینەكانی كەرەنتینەكردن و چوونە دەرەوەی خەڵكی لەماڵەكانیان، خواست لەسەر گاز بەرزبووەتەوە و دابەزینی نرخەكەی وەستاوە و پێدەچێ ئاستی بەرزبونەوەی تۆمار بكات.

 

بەرەو قۆناغێكی تر

نوسەر ئاماژە بۆ ئەوەش دەكات، سستی خواستەكە لەسەر وزە تەنها پەیوەندی بەویلایەتە یەكگرتووەكانی ئەمریكاوە نیە، بەڵكو بۆ ئەوروپاشە كە زۆربەی چالاكییەكانی ئەو كیشوەرەش پەكیكەوتووە وەكو ئیتاڵیا و ئیسپانیا كە لەئێستادا دەستكراوەتە هەڵگرتنی ڕێوشوینەكان لەسەر كەسەكان تا كۆتایی ئەم مانگە.

 

ستیفتانا ئەوەشی خستووەتە ڕوو، زۆربەی بەڕێوەبەری كۆمپانیا زەبەڵاحەكان پیانوایە بەشە خراپەكەی قەیرانەكە كۆتایی هاتووە و گەڕانەوەش بۆ دۆخی ئاسایی پێش خۆی ساڵێكی پێویستە.