گه‌ڕان

Shadow Shadow
سیاسه‌تی

پەرلەمانتارێک: زۆربەى لایەنە سوننیەکان دەنگ بە کابینەکەى کازمى دەدەن

2020.05.06 - 15:32
App store icon Play store icon Play store icon
پەرلەمانتارێک: زۆربەى لایەنە سوننیەکان دەنگ بە کابینەکەى کازمى دەدەن

ناس کورد-

پەرلەمانتارێکى هاوپەیمانى بنیادنان لە پەرلەمانى عێراق ڕایگەیاند، زۆربەى لایەنە سونییەکان ڕێکەوتوون لەسەر متمانەدان بە کابینەکەى مستەفا کازمى دواى ئەوەى پشکەکانى خۆیان وەرگرتووە.

کەناڵی ناس کورد لە تێلیگرام جۆین بکە   

 

بڕیارە ئەمشەو کاتژمێر 9 پەرلەمانى عێراق کۆبێتەوە بۆ متمانەدان بە کابینەکەى مستەفا کازمى سەرۆکوەزرانى ڕاسپێردراو.

 

مەنار شەدیدى، پەرلەمانتارى هاوپەیمانى بنیادنان لە پەرلەمانى عێراق بە میدیاى فەرمى عێراقى ڕاگەیاندووە، زۆربەى کوتلە سوننیەکان دەنگ بە کابینەکەى کازمى دەدەن، دواى ئەوەى لەسەر چوار دۆسیە لەگەڵیدا رێککەوتوون.

 

ڕونیشیکردەوە، دیارترین خاڵ کە ڕێککەوتنى لەسەر کراوە، گەڕانەوەى ئاوارەکان و نۆژەنکردنەوەى ناوچە ڕزگارکراوەکان و ئازادکردنى ئەو زیندانییانە بووە کە دەستیان بە خوێن سور نەبووە بە خوێنی خەڵک، لەگەڵ کارکردن لەسەر دۆسیەى بێسەروشوێنەکان.

 

لەبارەى پێشێلکارییە ئەمنییەکانى مکیشیفە و مەزاریع، ئەو پەرلەمانتارە رونیکردەوەن خەڵکى ئەو ناوچانە داواى زیادکردنى حەشدى عەشایەریان کردووە بەو پێیەى تاکە هێزى پاراستنى ناوچەکەن.