گه‌ڕان

Shadow Shadow
سیاسه‌تی

شانەى قەیرانەکان: تائێستا عێراق لە قۆناغى مەترسیدایە

2020.05.05 - 08:43
App store icon Play store icon Play store icon
شانەى قەیرانەکان: تائێستا عێراق لە قۆناغى مەترسیدایە

ناس کورد-

شانەى قەیرانەکانى عێراق رایگەیاند "تائێستا عێراق مەترسییەکانى ڤایرۆسى کۆرۆناى تێنەپەڕاندووە و هێشتا زووە هیچ وڵاتێک سەرکەوتن بەسەر ئەو ڤایرۆسەدا رابگەیەنێت".

 

کەناڵی ناس کورد لە تێلیگرام جۆین بکە   

 

جاسم فەلاحى، ئەندامى شانەى قەیرانەکانى عێراق بە رۆژنامەنووسانى وت "هەتا ئێستا ڤایرۆسى کۆرۆنا ئامادەبونێکى بەهێزى هەیە لەسەر ئاستى جیهان و ڤایرۆسێکى بەهێز و کارایە و بەباشى دەتوانێت بڵاوبێتەوە و هێشتا زووە هیچ دەوڵەتێک سەرکەوتنى خۆى بەسەر ڤایرۆسەکە رابگەیەنێت".

 

ئەو ئەندامەى شانەى قەیرانەکانى عێراق ڕەوشى عێراقى لەبوارى بەرگرتن بە ڤایرۆسەکە بە خراپ ناوبرد و ئاماژەى بەوە کرد لەو بوارەدا پێویستیان بە هاوکارى هەموو لایەکە.

 

رونیشیکردەوە کە ئەوان هەست بە نائومێدى دەکەن لەبوارى نەبوونى هۆشیارییەکى تەواوەتى کۆمەڵگە بەتایبەتى لەدانانى پرسە و زۆربەى ئەوانەشى کە لەم ماوانەى رابردوو وەک توشبووى نوێى ڤایرۆسەکە تۆمارکراون بەرکەوتەى توشبووانى کەسانێک بوون لەنێو پرسەکاندا.

 

جەختیشى کردەوە کە ئەوە یەکێکە لە هۆکارە سەرەکییەکانى زیادبوون و بڵاوبوونەوەى ڤایرۆسەکە و مانەوەى لەنێو کۆمەڵگەدا.

 

هۆشدارى ئەوەشیدا کە مانەوەى دۆخەکە بەو جۆرە دەبێتە هۆى ئەوەى ڤایرۆسەکە بۆ ماوەیەکى زیاتر لەناو کۆمەڵگەى عێراقدا بمێنێتەوە.