گه‌ڕان

Shadow Shadow
سیاسه‌تی

چین ئۆتۆمبیلی دژە كۆرۆنا دروست دەكات

2020.05.04 - 15:37
App store icon Play store icon Play store icon
چین ئۆتۆمبیلی دژە كۆرۆنا دروست دەكات

ناس کورد- 

چەند كۆمپانیایەكی تایبەتمەندی ئۆتۆمبیل لە چین پلانیان داناوە ئۆتۆمبێلی دژە کۆرۆنا دروستبکەن و سیستمێكی تیادا جێگربکەن کە ڕۆڵی هەبێت بۆ هەوا گۆڕكێی ناو ئۆتۆمبیلەكە و هەمان کاری ماسک دەکەن، بەشێک لە شارەزایانیش ئەو بانگەشانە بە بەهەوڵی ساغكردنەوەی كاڵاكان بەبەكاربەر ناو دەبەن.

کەناڵی ناس کورد لە تێلیگرام جۆین بکە   

 

لەو چوارچێوەیەدا گروپی كۆمپانیاكانی تشیانگ، دەستپێخەرییەكیان بەبەهای 52 ملیۆن دۆلار  بەناوی پڕۆژەی ئۆتۆمبیلی تەندروستیەوە خستووەتەڕوو، بەڵێنی ئەوەی داوە چەند تایبەتمەندییەكی نوێ لە ئۆتۆمبێلەکەدا بێت بەئامانجی پاراستنی سەرنشینەكانی لە ڤایرۆس و بەكتریاكان.

 

ئەو گروپە باسیان لەوەشكردووە، ئۆتۆمبیلەكان سیستمێكی تایبەت بەهەوا گۆڕكێیان تێدا جێگیردەكرێت كە پێیدەوترێت (  G-Clean Intelligent System Purification System  ) كە هەمان كاری ماسك دەكەن بۆ خۆپارێزی لەتەنە هەڵوسراوەكان بەهەوادا.

 

بەوتەی ئەو گروپە، مادەیەكی دژە ژینگەیی لەناو ئۆتۆمبێلەکەدا جێگردەكرێت كە لەهەمان كاتدا دژی ڤایرۆس و بەكتریاكانە و بۆ ڕێكسختنی سیستمی هەوای ناوەوە و دەرەوەی ئۆتۆمبیلە بەكاردەهێنرێت و بەدوگمە كاری پێدەكرێت.

 

لای خۆشیەوە كۆمپانیای مۆتۆرزی چینی ڕایگەیاندووە، ئۆتۆمبیلەكان دەخرێنە بەردەستی فرۆشیاران و گڵۆپێكی سەرووی وەنەوشەیشی تیادا دەبێت كە كاری پاكژ كردنەوەی هەوا دەبێت.

 

بانگەشەی ئەو كۆمپانیایانەش بۆ داهێنانی ئەو تایبەتمەندیانە لەدروستكردنی ئۆتۆمبێلی نوێدا كاردانەوەی لێ کەوتووەتەوە و بەئامڕازێك بۆ فێڵ كردن لەخەڵكی ناودەبرێن و ئاماژە بەوەدەکەن، ئەو تایبەتمەندییانە جێی باوەڕ نین، بەتایبەت لەدۆخێكی نیگەراناوی تەندروستی وەكو ئێستادا بۆ توشبوون بەكۆئەندامی هەناسەدان بەپەتاكان.

 

شۆن ڕین، لیكۆڵەری كاروباری بازاڕكردنی چینە بە میدیاكانی بەریتانیای ڕاگەیاندووە، ئەو كۆمپانیایانە هەوڵدەدەن سود لە ترسی خەڵكی لەڤایرۆسی كۆرۆنا وەربگرن بۆ ساغكردنەوەی بەرهەمەكانیان بە بەكاربەران.

 

هاوكات لێكۆڵەرێكی دیكە لەكۆمپانیای فرۆست ئاند سولڤیانی ئەمریكی ڕایگەیاندووە، بانگەشەی تایبەتمەندی جیاواز پەیوەست بەسەرنشینانەوە جیهانییە و تەنها لەچین دا كورت نەبووەتەوە و زۆربەی كۆمپانیاكان ئەو كارە دەكەن.