گه‌ڕان

Shadow Shadow
سیاسه‌تی

دەوڵەتی یاسا: لەدانوستاندنەکانى پێکهێنانى حکومەت هیچ کاندیدێکمان پێشکەشى کازمى نەکردووە 

2020.05.04 - 09:31
App store icon Play store icon Play store icon
دەوڵەتی یاسا: لەدانوستاندنەکانى پێکهێنانى حکومەت هیچ کاندیدێکمان پێشکەشى کازمى نەکردووە 

ناس کورد-

لەڕاگەیەنراوێكدا حەسەن سنێد پەڕلەمانتاری دەوڵەتی یاسا بەسەرۆكایەتی نوری مالیكی ڕایگەیاند، هاوپەیمانێتیەكەیان ڕەخنەی لەمیكانیزمی پێكهێنانی وەزارەتەكان گرتووە و لەدانوستانەكانیشدا هیچ كاندیدێكیان بۆ وەزارەتەكان پێشكەش نەكردووە.

 

کەناڵی ناس کورد لە تێلیگرام جۆین بکە   

 

سنێد دەشڵێت " بەتەواوەتی ئەوە ڕەتدەكەینەوە كە هەندێك میدیا بڵاویان كردووەتەوە، بەوەی هاوپەیمانێتی دەوڵەتی یاسا دەنگ ناداتە كابینەكەی مستەفا كازمی لەپەڕلەمان لەبەر ئەوەی وەزارەتی ناوخۆی پێنەدراوە".

 

جەختی لەوەش كردووەتەوە، ڕەخنەكانی دەوڵەتی یاسا لەسەر میكانیزمی دیاریكردنی كاندیدی وەزیرەكان بووە كە مایەی ڕەخنە و مشتومڕبوون هەر بۆیە هیچ كاندیدێكی بۆ هیچ وەزارەتێك پێشكەش نەكردووە.

 

ئەوەش لەكاتێكدایە، دوێنێ (یەكشەممە 3ی ئایاری 2020)، هاوپەیمانێتی دەوڵەتی یاسا لەڕاگەیەنراوێكیدا ئەوەی خستە ڕوو، ڕەخنە و تێبینی لەسەر شێوازی كاندیدكردنی كابینە وەزارییەكەی مستەفا كازمی هەیە كە مایەی مشتومڕن و میكانیزمەكەی ڕوون نەبووە بۆیە دەنگی پێنادەن و ڕەتیدەكەنەوە.