گه‌ڕان

Shadow Shadow
سیاسه‌تی

داعش لە سێ قۆڵەوە هێرشیکردە سەر هێزە عێراقییەکان

2020.05.03 - 23:31
App store icon Play store icon Play store icon
داعش لە سێ قۆڵەوە هێرشیکردە سەر هێزە عێراقییەکان

ناس کورد-

چەکدارانى داعش لە سێ قۆڵەوە هێرشیان کردە سەر هێزە عێراقییەکان و بەهۆیەوە ژمارەیەک چەکدارى حەشدى شەعبى و سوپاى عێراق کوژران و برینداربوون.

 

کەناڵی ناس کورد لە تێلیگرام جۆین بکە   

ئاژانسى فەرمى عێراق بڵاویکردەوە، حەشدى شەعبى روبەڕووى هێرشێکى داعش بووەتەوە لە رۆژهەڵاتى سەڵاحەدین.

 

لاى خۆشیەوە، سەرچاوەیەکى ئەمنى بە ناس کوردى ڕاگەیاند، چەکدارانى داعش هێرشیان کردووەتە سەر حەشدى عەشایەرى لە شارى عوزێم سەر بە پارێزگاى دیالە و کوژراو و بریندارى لێکەوتووەتەوە.

 

وتیشى هەورەها چەکدارانى داعش هێرشێکى دیکەیان لە جەلەولا ئەنجامداوە. چەکدارە قەناس بەدەستەکانى داعش خاڵەکانى پشکنینیان لەگوندى ئیسڵاحى جەلەولا بە ئامانج گرتووە و و سوپاش وەڵامیداونەتەوە.

 

بەوتەى سەرچاوەکە، پێکدادانەکان بوونەتە هۆى کوژرانى حەوت کەس و برینداربوونى ژمارەیەکى دیکە، کە لەناویاندا محەمەد زیفا یەکێک لە فەرماندەکانى حەشدى عەشایەرى لە گوندى ئوم کراکى عوزێم بوونى هەیە، هەروەها سەرۆکى ئەنجومەنى ناحیەى عوزێمیش بریندارە.

 

ئەوەشى خستەڕوو، سەربازێکى دیکە بە فیشەکى قەناس بەدەستانى داعش لەناوچەى عەین لەیلە لەنێوان هەردوو ناحیەى عوزێم و قەرەتەپە کوژراوە.

 

سەرچاوەکە دەڵێت، لیواى ٢١ى حەشدى شەعبى توانیویانە چوار چەکدارى داعش بکوژن.

 

هێرشەکان دواى هێرشەکەى بەرەبەیانى رۆژى شەممە دێن کە لەلایەن داعشەوە کرایە سەر چەند ناوچەیەکى باشورى تکریت و بەهۆیەوە ژمارەیەک چەکدارى حەشدى شەعبى کوژران.