گه‌ڕان

Shadow Shadow
سیاسه‌تی

دوای نۆ ساڵ بكوژەكەی ئوسامە بن لادن باس لەچركەساتێكی سەیری ڕوداوەكە دەكات

2020.05.03 - 17:25
App store icon Play store icon Play store icon
دوای نۆ ساڵ بكوژەكەی ئوسامە بن لادن باس لەچركەساتێكی سەیری ڕوداوەكە دەكات

ناس کورد- 

ئەندامێكی پێشووی هێزێكی سەربازی تایبەتی ئەمریكا كە بە (نافی سێڵز)ناسراوە، دوای تێپەڕبوونى 9 ساڵ بەسەر رووداوەکە، باس لەچیرۆكی چۆنیەتی كوشتنی ئوسامە بن لادن دەكات كە بەئۆپەراسیۆنێك بەناوی (تیری نیپتۆن) ئەنجامدرا.

 

کەناڵی ناس کورد لە تێلیگرام جۆین بکە   

 

ڕۆب ئۆنێڵ لەچاوپێكەوتنێكدا بۆ یەكەمجار باسى وردەكاری چۆنیەتی پلانی سەربازە دەریاییەكانیان بەناوی (نافی سیلز) دەكات كە بەچ شێوەیەك ئوسامە بن لادنیان كوشتووە و پلانەكەیان جێبەجێ كردووە.

 

ئۆنێل دەڵێت:"بۆ ماوەی چەند هەفتەیەك ڕاهێنانەكانیان لەناوچەیەكی شاخاوی ویلایەتە یەكگرتووەكان بەردەوام بووە پێش ئەوەی تیمی شەشەمی (نافی سیڵز ) بەرەو پاكستان بۆ بەجێگەیاندنی ئەركەكە بکەونەڕێ".

 

ئەو سەربازە دانیشی بەوەداناوە كە ئەو ئەركە یەكلایەنەیە و ڕەنگە بەسەلامەتی نەگەڕێتەوە و كە پڕۆسەكەش دەستی پێكردووە تەنها 38 خولەكی پێچووە.

 

ئۆنیڵ باس لەوەش دەكات، كە چونەتە شوێنی ئامانجەكەیان بەرەو قاتی سێیەمی ماڵەكە هەنگاویان ناوە كە پەناگەیەكی شاراوەی سەركردەكەی ئەلقاعیدە بووە و دواتر چونەتە ژوورەكەیەوە كە چەند ژنێكیشی لێ بووە لەوانە كچێكی خۆیی و ژنێكی.

 

دەشڵێت "لەو چركەساتەداو بەدووری دوو پێی پیاوێك لەپشتی ژنەكەیەوە وەستابوو، دەستی خستبووە سەر شانیی ژنەكەی و ئەو دەموچاوەم هەزار جار بینیوە و ئەوەش ئوسامە بن لادن بوو".




لەكۆتایی گیڕانەوەكانیدا ئەو سەربازە پێشووەی ئەمریكا كە بەشداری پڕۆسەی كوشتنی سەرۆكی ڕێكخراوی ئەلقاعیدەی كردووە، باسی لەوە كردووە، ئەو دیدارە تەنها چركەیەكی پێچوو، هیچ شتێكی بە ئوسامە بن لادن نەوتووە پێش ئەوەی تەقەی لێبكات.