گه‌ڕان

Shadow Shadow
سیاسه‌تی

کازمی شۆک دەکرێت

لەدوای مالکی، ئەیاد عەلاویش پشتی لە کابینەکەى کازمی کرد

2020.05.03 - 16:06
App store icon Play store icon Play store icon
لەدوای مالکی، ئەیاد عەلاویش پشتی لە کابینەکەى کازمی کرد

ناس کورد-

دوای فراكسیۆنەكەی مالیكی، فراكسیۆنەكەی ئەیاد عەلاویش لە پەرلەمانی عێراق ڕەتیدەكاتەوە دەنگ بە كابینەكەی مستەفا كازمی بدات و دەشڵێت، بایكۆتی ئەو دانیشتنە دەكەن و دەبنە ئۆپۆزسیۆن.

کەناڵی ناس کورد لە تێلیگرام جۆین بکە   

لە ڕاگەیەنراوێكدا، هاوپەیمانی نیشتیمانی عێراقی بە سەرۆكایەتی ئەیاد عەلاوی ڕایگەیاند، هاوپەیمانێتێەكەیان بەردەوام جەختی لەسەر ڕەچاوكردنی خواستە نیشتیمانیەكان كردووەتەوە كە خەڵكی لەپێناویدا ڕژاونەتە گۆڕەپانەكانی خۆپیشاندان و لەلایەن نوێنەرانی خۆپیشاندانەكان و سەندیكا پیشەكەیانەوە خراونەتەڕوو.

 


ئاماژەی بەوەشكردووە، لەو ماوە درێژەدا كاریان بۆ بەدەستهێنانی ئەو خواستانە كردووە چ لەڕێگای دانوستانەكانیان لەگەڵ كاندیدانی ڕاسپێدراو یاخود لەگەڵ لایەنە سیاسیە جیاوازەكاندا، بەڵام بەداخەوە هیچ دەستپێخەرییەكی ئەرێنییان لەوبارەیەوە بەدەستنەخستووە و سەرباری ئەوەش میكانیزمی دەستنیشانكردنی وەزیرەكان ناڕوون و نەزانراوە و جگە لەپشتگوێخستنی خواستەكانی خەڵكی بەڕەوانە كردنی بكوژان بۆ دادگایەكی ئاشكرای تایبەتمەند.

 


هاوپەیمانی نیشتیمانی باسیلەوەشكردووە، لەو ڕوانگەیەوە ئەوە ڕادەگەیەنن كە متمانە بەو كابینەیە نادەن، بەڵكو بایكۆتی دانیشتنی پەرلەمانیش دەکەن لەسەر ئەو پرسە و دەبنە ئۆپۆزسیۆنێكی ئاشتیخواز لەگەڵ هاوڵاتیانی عێراقی دا لەئەگەری تێپەڕینی كابینەكەدا.

 


ئەمە لەکاتێکدایە، پێشتریش لە ڕاگەیەنراوێكیدا دەوڵەتی یاسای نوری مالیكی ئاشكرای كرد، بەهۆی چەند ڕەخنە و تێبینیەكەوە بەتایبەت لەشێوازی دانانی كابینە وەزارییەكەی دا دەنگ بە كابینەكەی مستەفا كازمی نادەن.