گه‌ڕان

Shadow Shadow
سیاسه‌تی

شارەوانى مۆسكۆ: 2%ی دانیشتووانی شارەكە توشبوى كۆرۆنا بوون

2020.05.02 - 17:38
App store icon Play store icon Play store icon
شارەوانى مۆسكۆ: 2%ی دانیشتووانی شارەكە توشبوى كۆرۆنا بوون

ناس کورد-

سێرگى سوبيانين، سەرۆكى شارەوانى مۆسكۆى پايتەختى ڕوسيا دەڵێت، زياتر لە 250 هەزار هاوڵاتى دانيشتوى شارى مۆسكۆ توشبوى ڤايرۆسى كۆرۆناى نوێن کە ئەوەش 2%ی دانیشتووانی شارەکە دەکات.

کەناڵی ناس کورد لە تێلیگرام جۆین بکە   

 

سوبيانين لە هەژماری خۆى لە تۆڕى كۆمەڵايەتى تويتەر بڵاويكردوەتەوە، پشكنينی ڤايرۆسى كۆرۆنا بۆ ژمارەيەك خەڵكى جياواز لە دانيشتوانى شارەكە كراوە بەپێى ئەنجامەكانيش 2%ى دانيشتوان توشبون.

 

بەپێى سەرژمێريە فەرميەكان، تەنها لە شارى موسكۆ 12 مليۆن و 700 هەزار كەس دەژين، بڕواش وايە كە ژمارەكە لەوە زياترە.

 

هەر ئەمڕۆ شەممە دەسەڵاتدارانى ڕوسيا بڵاويانكردەوە، تائێستا زياتر لە 124 هەزار توشبوى ڤايرۆسى كۆرۆنا لەو وڵاتە تۆمار كراوە كە 75 هەزار و 300 توشبويان لە شارى مۆسكۆن كە بە ناوەندى بڵاوبونەوەى ڤايرۆسەكە دادەنرێت لەو وڵاتە.

 

سەرۆكى شارەوانى مۆسكۆ ئەوەشى ڕونكردوەتەوە، تا ڕادەيەكى گەورە پشكنينەكان لە شارەكە بۆ ڤايرۆسى كۆرۆنا چڕ كراونەتەوە، هەروەها سەركەوتن بەدەستهێنراوە بۆ سنورداركردنى پەتاكە، ئەوەش بەهۆى توندكردنەوەى ڕێوشوێنەكانى كەرەنيتن و داخستن و چەند ڕێوشوێنێكى ترەوە، بەڵام هێشتا پەتاكە نەگەيشتوەتە لوتكە لە مۆسكۆ و زیادبوونی مەترسییەکانی بەردەوامە. 

 

تائێستا بەهۆى كۆرۆناوە هەزار و 222 كەس لە ڕوسيا گيانيان لەدەستداوە، ئەوەشى پێچەوانەى جيهانە كە لەچاو وڵاتانى تر بەشێك لە توشبوان و قوربانيانى ڤايرۆسەكە لەو وڵاتە منداڵانن، تا ئێستا دوو منداڵ گيانيان لەدەستداوە و وەزيرى تەندروستيش ئاشكرايكردوە كە بارودۆخى 11 منداڵى تريش باش نييە.