گه‌ڕان

Shadow Shadow
سیاسه‌تی

راگەیەندراوێک لە لیژنەی باڵای بەرەنگاری کۆرۆنا دەربارەی کردنەوەی مزگەوتەکان

2020.04.30 - 23:43
راگەیەندراوێک لە لیژنەی باڵای بەرەنگاری کۆرۆنا دەربارەی کردنەوەی مزگەوتەکان

ناس کورد-

 

لێژنەی باڵای بەرەنگاری کۆرۆنا ڕونکردنەوەیەکی لەبارەی نەکردنەوەی دەرگای مزگەوتەکانەوە بڵاوکردەوە و ڕاشیگەیاند، تاوەکو 10 ڕۆژی داهاتووش با هاووڵاتیان لەماڵەوە نوێژ و عیبادەتەکانیان ئەنجامبدەن.

لە ڕاگەیەندراوێکدا لێژنەی باڵای بەرەنگاری کۆرۆنا رایگەیاند: "دوای داواکاری مامۆستایانی بەڕێز و هاووڵاتیانی ئازیز دەربارەی کردنەوەی دەرگای مزگەوتەکان لەمانگی رەمەزانی پیرۆز و دوای تاوتوێ کردنی ئەم بابەتە لەنێوان  لێژنەی باڵای کۆرۆنا و بەڕێزان  وەزیری ناوخۆ و  وەزیری تەندروستی وەزیری و ئەوقاف وکاروباری ئایینی  و پارێزگارەکان،  بەباش نەزانرا دەرگای مزگەوتەکان لەم کاتەدا بکرێتەوە ".

 

ئاماژە بەوەشكراوە، بڕیارەکەیان  لەبەر ئەم سێ ھۆکارەی خوارەوەیە:

 

یەکەم: چەند حالەتێکی نوێی ڤایرۆسی کۆرۆنا لەشارەکانی ھەرێم  تۆمار کراوە، بۆیە نامانەوێ ئۆباڵی زیاترو زۆرتر تەشەنەکردنی پەتاکە بکەوێتە ئەستۆی مامۆستایانی ئایینی و مزگەوتەکان.

 

دووە: بۆ دروست نەبوونی جیاوازی پاراستنی کۆدەنگی دەرنەچوون لە ئیجماع رای زانایانی ئایینی بەڕێزو ئەنجومەنی باڵای فەتوا  بریارەکە سەرجەم مزگەوتەکانی ھەرێمی کوردستان دەگرێتەوە.

 

سێیەم: ئەمە بابەتێکی تەندروستیە نابێت کەس پێ ی وابێ بەسیاسی کراوە،

بەپێچەوانەوە خۆجیاکردنەوەو دەرچوون لە بریاری لێژنەی باڵا و دەستە جەمعی ھەرێمی کوردستان دەبێتە جیاوازی و جیاکاری سیاسی و کۆمەڵایەتی .

 

 

 لێژنەی باڵای رووبەرو بوونەوەی ڤایرۆسی کۆرۆنا ئاماژەی بەوەشکردووە: "بۆیە داواکارین ئارام بگرن تاکو10ی 5 نوێژو عیبادەت و خواپەرستی  لە ماڵەکانمان بەرێوەببەین".