گه‌ڕان

Shadow Shadow
سیاسه‌تی

بازرگانى بە خوێنى چاكبوانى ڤايرۆسى كۆرۆناوە دەستیپێكردوە

2020.04.30 - 20:44
App store icon Play store icon Play store icon
بازرگانى بە خوێنى چاكبوانى ڤايرۆسى كۆرۆناوە دەستیپێكردوە

ناس کورد-

 

بەپێى ڕاپۆرتێكى پەيمانگاى ئوسترالى بۆ زانستى تاوانەكان لەسەر تۆڕى "ئينتەرنێتى تاريك" بازرگانى بە خوێنى ئەوانەوە دەكرێت كە توشبوى ڤايرۆسى كۆرۆنا بون و چاكبونەتەوە، ئەو خوێنەش هەزاران دۆلار دەكات، ئەوەش گوايە خوێنەكە بەرگرى دژى ڤايرۆسەكە زياد دەكات.

کەناڵی ناس کورد لە تێلیگرام جۆین بکە   

 

 

پەيمانگاكە لە راپۆرتەكەيدا باسى لەوەكردوە، "ئينتەرنێتى تاريك" ڕێگە دەدات بە دروستكردنى پێگە و بڵاوكردنەوەى زانيارى بەبێ ئەوەى ناسنامەى دروستكەرەكە يان ئەوەى زانياريەكەى بڵاوكردوەتەوە ئاشكرا بكرێت.

 

ڕونيشكراوەتەوە، ئەو كەسانە بەڵێن بە كڕياران دەدەن كە پلازماى خوێنى ئەوانەيان بدەنێ كە لە ڤايرۆسى كۆرۆنا چاكبونەتەوە، ئەوەش دەبێتە هۆى دروستبونى بەرگرى بۆيان دژى ڤايرۆسەكە.

 

شيكەرەوانى زانكۆى نيشتمانى ئوسترالى باس لەوەدەكەن، تاوانبارانى ئەلكترۆنى پەتاى كۆرۆنايان قۆستوەتەوە بۆ فرۆشتنى سەدان بەرهەمى تايبەت بە ڤايرۆسى كۆرۆنا لە 20 بازاڕى جياوازدا لە بەشە تاريكەكەى ئينتەرنێت "Dark Web".

 

ڕونيشكراوەتەوە، هەروەها پلازماى خوێنى توشبوانى ڤايرۆسى كۆرۆناش لەو بازاڕە دەفرۆشرێت، ئەوەش سەرەڕاى چەندين جۆر ڤاكسين و دەرمان و پشكنينى تايبەتى و پێداويستى خۆپاراستن.

 

بەپێى زانياريەكانى گروپى Viceى ڕاگەياندن كە پێگەكەى لە شارى نيويۆركە، نرخى يەك ليتر لە پلازماى خوێنى ئەوانەى لە پەتاكە چاكبونەتەوە گەيشتوەتە (14 هەزار دۆلارى ئەمريكى).

 

ئەو فرۆشيارانە باس لەوەدەكەن، پلازماى خوێنەكەيان لە پزيشكانى تايبەتمەندەوە لە سەرتاسەرى جيهاندا دەستكەوتوە، هەروەها ئامادەن كە بۆ كڕيارە نێودەوڵەتەكانيانى بنێرن، ئەويش لەڕێگەى كەسێكە لە وڵاتى سويد.