گه‌ڕان

Shadow Shadow
سیاسه‌تی

جیهان ژمارەی چاكبووانی كۆرۆنای گەیاندە یەك ملیۆن

2020.04.30 - 15:09
App store icon Play store icon Play store icon
جیهان ژمارەی چاكبووانی كۆرۆنای گەیاندە یەك ملیۆن

ناس کورد- 

بەگوێرەى ماڵپەڕی Worldometer تایبەت بەڕوماڵكردنی قوربانیانی كۆرۆنا لەجیهاندا، ژمارەی چاكبوونەوەی توشبووانی ڤایرۆسەكە بۆ زیاتر لەملیۆنێك بەرزبووەتەوە و بۆ یەكەمجاریش كۆریای باشوور هیچ توشبوویەكی تۆمار نەكردووە.

 

کەناڵی ناس کورد لە تێلیگرام جۆین بکە   

هەر بەپێی داتاكانی ماڵپەڕەكە، ویلایەتە یەكگرتووەكان لەڕیزبەندی یەكەمی لیستەكەدان كە زۆترین ژمارەی توشبووانی كۆرۆنای چاكبووەتەوە، كە ژمارەكەی دەگاتە 147 هەزار توشبوو چاكبونەتەوە و بەدوای ئەویشدا ئیسپانیا دێت كە ژمارەی 132 هەزار و 929 توشبووی كۆرۆنا چاكبوونەتەوە و ئەڵمانیاش بەپلەی سێیەم دێت كە 12 هەزار و 400 توشبووی كۆرۆنا چاكبوونەتەوە.

 

هەر لەو چوارچێوەیەشدا، ناوەندی بەرەنگاری نەخۆشی و خۆپارێزی كۆریای باشوور دەڵێت، ئەمڕۆ (پێنجشەممە) هیچ توشبوویەكی ڤایرۆسی كۆرۆنا تۆمار نەكراوە، ئەوەش بۆ یەكەمجارە لەدوای بڵاوبونەوەی ڤایرۆسەكە توشبوو لەو وڵاتەدا ڕۆژانە تۆمار نەكرێت.

 

ئاماژەی بۆ ئەوەش كردووە، 4 توشبوو تۆمار كراون كە لەدەرەوە هاتوون بەوەش ژمارەی توشبووان گەیشتووەتە 10 هەزار و 765 توشبوو لەوڵاتەكەیاندا و ژمارەی مردنیش بەهۆی كۆرۆناوە گەیشتووەتە 247 كەس  ئەوەش دوای مردنی یەك كەسی تر.

 

لەئێستادا لەسەر ئاستی جیهان ژمارەی توشبووان بەڤایرۆسی كۆرۆنا گەیشتووەتە 3 ملیۆن و 220 هەزار و 268 كەس و ژمارەی مردوانیش بەو هۆیەوە گەیشتووەتە 228 هەزار و 224 كەس.