گه‌ڕان

Shadow Shadow
سیاسه‌تی

ڕاپۆرتێكى نوێ زانايان توشى شۆك دەكات.. چەندين كەس بە توشبو تۆمار كراون و توشبو نين

2020.04.30 - 10:29
App store icon Play store icon Play store icon
ڕاپۆرتێكى نوێ زانايان توشى شۆك دەكات.. چەندين كەس بە توشبو تۆمار كراون و توشبو نين

ناس کورد-

ڕاپۆرتێك ئاشكراى دەكات، هەندێك لەو پشكنينانەى كە بۆ دژە تەنەكان دەكرێت و توشبون بە ڤايرۆسى كۆرۆنا ئاشكرا دەكەن لەوانەيە ئەنجامى ئيجابى هەڵە بدەن بەدەستەوە، ئەو ئەنجامە هەڵانە ئەو كەسانە ڕوبەڕوى مەترسى ڕاستەقينە دەكاتەوە كە وا دەزانن توشبون بەڵام ڤايرۆسەكە كاريگەرى نييە لەسەريان و پارێزراون، بەڵام لەڕاستيدا ئەگەرى هەيە بە قورسى توشى ڤايرۆسەكە ببن.

 

کەناڵی ناس کورد لە تێلیگرام جۆین بکە   

ڕاپۆرتەكە پشتى بە چەند پشكنينێك بەستوە كە لە تاقيگەكانى كاليفۆرینا بۆ لێكۆڵينەوە لە ئەنجامى توشبوانى ڤايرۆسى كۆرۆنا كراوە، بەڵام ئەوەى جێى سورسوڕمان بوو ئەوەيە كە يەكێك لە تاقيكردنەوەكان ئەنجامێكى هەڵەى بەڕێژەى 15% پيشانداوە.

 

بەپێى ڕاپۆرتەكە كە ماڵپەرى CNN بڵاويكردوەتەوە، تيمێكى تايبەتمەند لێكۆڵنيەوەى دڵنيابونەوەيان كردوە لە پشكنينى توشبوانى ڤايرۆسى كۆرۆنا ئەوەش لە چوارچێوەى هاريكاريەكانى نێوان زانكۆى كاليفۆرنيا لە سانفرانسيسكۆ و بيركلى و ناوەندى "شان زوكيبيرگ بيوهوب" و پەيمانگاى لێكۆڵينەوە بۆماوەييەكان.

 

ئيجابى درۆ واتاى ئەوەيە كە بە كەسێك دەوترێت كە توشى ڤايرۆسى كۆرۆنا بويت بەڵام لە ڕاستيدا وا نييە  و ئەنجامەكەى هەڵەيە، ڕاپۆرتەكە ئەوەشى ڕونكردوەتەوە كە ئەوەش مەترسيەكى گەورەيە لەسەر هەندێك كەس كە وا دەزانن پارێزراون لە دژى ڤايرۆسەكە، بەڵام لە راستيدا مەترسى توشبونيان لەسەرە.

 

تيمەكە تاقيكردنەوەيان لەسەر 12 پشكنينى جياوازى دژە تەنەكان كردوە، دەركەوتوە يەكيان ئەنجامەكەى ئيجابى هەڵەيە بە ڕێژەى 15% و ئەوەش واتاى ئەوەيە هەر پشكنينێك لە 7 پشكنين ئەنجامێكى هەڵە دەدات بە دەستەوە، هەروەها 3 پشكنينى تريش ئەنجامەكەيان ئيجابى هەڵە بوە بەڕێژەى 10%.

 

"كارين بيرن" پزيشكى بەشداربوو لە تاقيكردنەوەکە دەڵێت، بەڕاستى ئەوە شتێكى زۆر خراپە و واقعى نييە كە وا بزانيت هەموو كات سەرجەم پشكنينەكان وردن، بەڵام ڕێژەى ئيجابى درۆ نابێت 5% تێپەڕ بكات و لە پشكنينى نمونەييدا لە 2% تێناپەڕێت.

 

باسى لەوەشكردوە، سوككردنى مەرجەكان و پێوانەكان لەلايەن ئيدارەى خۆراك و دەرمانى ئەمريكى FDA يەكێكە لە هۆكارەكان كە ڕێژەى تاقيكردنەوەكان بە هەڵە دەردەچن، بەتايبەتى كە ڕێگەى بە كۆمپانياكاندا كە ئامێرى پشكنين بفرۆشن بەبێ ئەوەى دڵنيا بنەوە لە ئەنجامەكەى، ئەوەش لەلايەن 175 لايەنى گەشەپێدانى ئەو پشكنينانەوە سودى لێ بينراوە.

 

لەلايەكى ترەوە "ئەلێكساندەر مارسۆن" پزيشك دەڵێت، ئەو ئەنجامانە زەنگێكە و بانگەوازێكە بۆ هۆشيار بونەوە، چونكە ناتوانرێت پشت بە پشكنينى متمانە پێنەكراو ببەسترێت.

 

ڕونيشيكردوەتەوە، ئەو ئەنجامانە توشبوان و فەرمانبەرانى دامەزراوە پزيشكيەكان بەلاڕێدا دەبات، ئەوەش لەكاتێكدايە كە پێويستمان بە ئەنجامى ورد هەيە بۆ ئەوەى ڕێچكەى قەيرانەكە ئاراستە بكەين.

 

ژمارەى توشبوانى ڤايرۆسى كۆرۆنا لە سەرتاسەرى جيهاندا نزيكبوەتەوە لە 3 مليۆن و 200 هەزار كەس و لەو ژمارەيەش زياتر لە 225 هەزار كەس گيانيان لەدەستداوە و نزيكەى 900 هەزار كەسيش چاكبونەتەوە، بەتەنها ولايەتە يەكگرتوەكانى ئەمريكا زياتر لە يەك مليۆن توشبوو و زياتر لە 60 هەزار گيان لەدەستدانى تۆمار كردوە.