گه‌ڕان

Shadow Shadow
سیاسه‌تی

وڵاتێكى تر كۆنترۆڵكردنى ڤايرۆسى كۆرۆناى ڕاگەياند

2020.04.30 - 08:49
App store icon Play store icon Play store icon
وڵاتێكى تر كۆنترۆڵكردنى ڤايرۆسى كۆرۆناى ڕاگەياند

ناس کورد- 

وڵاتى دانيمارك كۆنترۆڵكردنى ڤايرۆسى كۆرۆناى ڕاگەياند و وردە وردەش دەستى كرد بە هەڵگرتنى كۆت و بەندەكان كە بەهۆى بڵاوبونەوەى ڤايرۆسەكەوە سەپێنرابوو.

 

کەناڵی ناس کورد لە تێلیگرام جۆین بکە   

لەو بارەيەوە "ميتى فريدريكسن" سەرۆكى دانيمارک لەبەردەم پەرلەمانى وڵاتەكەيدا ڕایگەیاند، پەتاكە لەژێر كۆنترۆڵدايە و ستراتيژى وڵاتەكەى لە قۆناغى يەكەمدا كە قۆناغە سەختەكە بوو سەركەوتوو بوو.

 

بۆ ڕێگەگرتن لە بڵاوبونەوەى ڤايرۆسى كۆرۆنا دانيمارک قوتابخانە و باخچەى ساوايان و شوێنە گشتيەكانى وەك يانەكان و ڕێستۆرانت و هۆڵەكانى وەرزش و ساڵۆن و سەرتاشخانە و سەرجەم شوێنە گشتيەكانى ترى داخست و هەروەها كۆبونەوە لە 10 كەس زياتريش لە هەر شوێنێكدا قەدەغە كرا.

 

لەئێستادا زۆرينەى ئەو كۆت و بەندانە هەڵگيراون و دەرگاى ساڵۆن و سەرتاشخانە و قوتابخانە و چەندين شوێنى ترى گشتى كراونەتەوە، هەروەها بڕيارە قۆناغى دوەمى كردنەوەى شوێنە گشتيەكانى تر لە 10\5\2020 دەستپێبكات.

 

لە سەرەتاى ئەم مانگەشەوە دانيمارك پشكنينەكانى فراوانتر كرد بۆ ئەو كەسانەى كە نيشانەى سوكى توشبون تێياندا دەردەكەوێت، لەكاتێكدا پێشتر تەنها پشكنين بۆ ئەوانە دەكرا كە نيشانەى مام ناوەند بۆ قورسيان تێدا دەردەكەوت.

 

تائێستا دانيمارك زياتر لە 9000 توشبوو و 443 گيان لەدەستدانى بەهۆى ڤايرۆسى كۆرۆناى نوێ COVID-19 تۆمار كردوە.