گه‌ڕان

Shadow Shadow
سیاسه‌تی

حکومەتی عێراق ناچار دەبێت هەڵیبوەشێنێتەوە

ڕۆژنامەى حزبوڵا: هۆشداری دەدرێت لەوەى حەشد هاوشێوەى پاسدارانى لێبێت

2020.04.29 - 11:13
App store icon Play store icon Play store icon
ڕۆژنامەى حزبوڵا: هۆشداری دەدرێت لەوەى حەشد هاوشێوەى پاسدارانى لێبێت

ناس کورد-

ڕۆژنامەى ئەخبارى سەر بە حزبوڵاى لوبنانى ڕایگەیاند، هادى عامرى دەستى بە جموجۆڵى خێرا کردووە بۆ چارەسەرى کێشەکانى حەشدى شەعبى، هۆشداریش دەدرێت لەوەى حەشد هاوشێوەى سوپاى پاسدارانى لێبێت و بخرێتە ناو لیستى سزاکانى ئەمریکاوە، ئەوەش عێراق ناچار بە هەڵوەشاندنەوەى بکات.

کەناڵی ناس کورد لە تێلیگرام جۆین بکە   

  

ماوەى چەند هەفتەیەکە کێشەکانى ناو حەشدى شەعبى تەقیونەتەوە دواى کشانەوەى چوار لیواى سەر بە مەرجەعیەت و ڕاگەیاندنى پچڕانى پەیوەندیان بەو دامەزراوەیەوە.

 

بەپێی ڕۆژنامەى ئەخبارى سەر بە حزبوڵاى لوبنانى، هادى عامرى، سەرۆکى هاوپەیمانى فەتح سەردانى شارى کەربەلاى کردووە و چاوى بە عەبدولمەهدى کەربەلایی و ئەحمەد سافى نوێنەرانى سیستانى کەوتووە بۆ چارەسەرى کێشەکە و ڕێگرى لە هەڵوەشاندنەوەى حەشدى شەعبى.

 

ئاماژە بەوەشکراوە، بەپێی ئەو گێڕانەوەیەى لە بەغدا هەیە، ئەو جموجۆڵەى کراوە بۆ جیابونەوە لە حەشد "تاکەکەسى بووە" و لەسەر قسەى مەیسەم زەیدى، فەرماندەى فیرقەى عەباس و پشتیوانى ئەحمەد سافى کراوە، بەڵام ئەو گێڕانەوەیەى لە کەربەلا دەستاودەستى پێدەکرێت تەواو پێچەوانەیە.

 

ڕۆژنامەکە نوسیویەتى، بەپێی زانیارییەکان جموجۆڵە لەلایەن نەجەفەوە دەستخۆشى لێکراوە و هاوکارى کراوە، مەرجەعیەت کە باوکى رۆحى حەشدە بەتەواوەتى پێکهاتەى ئێستاى حەشد و زاڵبوونى باڵێک بەسەر ئەوانەى تریدا ڕەتدەکاتەوە، واتە باڵى وەلائی کە شوێنکەوتووى ویلایەتى فەقیهن، لەبەرانبەر باڵى مەرجەعى (مەدرەسەى نەجەفى) کە هەوڵى ڕاگرتنى هاوسەنگى دەدات.

 

ئەوەشى خستووەتەڕوو، لەبەردەم ئەو دژیەکیاندا پێویستە پرسیار لە نەجەف بکرێت لەبارەى ڕاستى هەڵوێستییەوە، تۆپەکەش ئێستا لە گۆڕەپانى ئەوە کە داوابکات چارەسەرى قەیرانەکە بکرێت بە خستنى دامەزراوەى سەربازى-ئەمنى، ئەو هەڵوێستەش رەنگە بۆ زۆرێک مایەى شۆک بێت، بەڵام ببێتە هۆى یەکلاکرنەوەى ناکۆکییەکە کە ئەگەر هەیە لەچەند ڕۆژى داهاتوودا زیاتر ببێت و دۆخەکە زیاتر ئاڵۆز بکات.

 

بەپێی ڕۆژنامەکە، سوربوونى گروپە چەکدارەکانی عەتەبە لەسەر مانەوەى دوور لە دەستەى حەشدى شەعبى و پەیوەستبوونى فیرقەى دیکە پێوە، رەوایی دەدات بە پەیامى حەشدى ویلایە و حەشدى مەرجەعیەت کە ئێران بەتوندى ڕەتیدەکاتەوە، بۆیە زۆرێک هۆشداریدەدەن لە گۆڕانى دەستەى حەشدى شەعبى بۆ دۆخێکى هاوشێوەى سوپاى پاسدارانى ئێران، واتە کردنە ناو لیستى سزاکانى ئەمریکاوە، ئەوەش دەوڵەتى عێراق ناچاردەکات چاو بەو دامەزراوەدا بخشێنێتەوە و باس لە سڕینەوەى بکات لەنێوان وەزارەتەکانى ناوخۆ و بەرگرى.