گه‌ڕان

Shadow Shadow
سیاسه‌تی

10 حاڵەتی نوێی کۆرۆنا لە سۆران تۆمار کرا

2020.04.28 - 16:44
App store icon Play store icon Play store icon
10 حاڵەتی نوێی کۆرۆنا لە سۆران تۆمار کرا

ناس کورد-

قایمقامی قەزای سۆران ڕایگەیاند، ئەمڕۆ پشکنینی ڤایرۆسی کۆرۆنای 10 هاوڵاتی پۆزەتیڤ دەرچووە و سەرجەمیان توشی ڤایرۆسەکە بوون. 

کەناڵی ناس کورد لە تێلیگرام جۆین بکە   

کرمانج عیزەت تایبەت بە ناس کوردی ڕاگەیاند، ئەو هاوڵاتیانە بەرکەوتەى توشبووانی پێشوون، زۆربەیان لە هەولێرەوە گەڕاونەتەوە.

کرمانج عیزەت وتیشی، بەداخەوە ئەوەی لێی دەترساین ئەمڕۆ لە سۆران ڕوویدا، دیارە هۆکاری توشبوونی ئەو 10 کەسە بەرکەوتن بووە، ئەوەش دوای ئەوەى بارودۆخی سۆران زۆر بەرەو باشی چوو بوو لە کۆنترۆڵکردنی پەتاکەدا.

ئاماژەى بەوەشکرد، ئێمە ناچارین ڕێکارەکانی خۆپاراستن توند بکەینەوە، ئەگەر خەڵک هاوکار نەبێت لە بازاڕ و گەڕەکەکان ئەوە پێداچوونەوە بە هەموو ئاسانکارییەکاندا دەکرێت.

ڕاشیگەیاند، "هەر گردبوونەوەیەک لە بازاڕ و مزگەوت و شوێنەکانی تر قەدەغەیە، ئێستا سەلامەتی خۆتان بە دەست خۆتانە، یان دەبێ شار و ماڵەکانمان نەخۆش بکەین یان دەبێت ئەو حاڵەتە نوێیە بە جدی وەربگرین و خەڵک هاوکار بێت."

دوێنێش هەشت حاڵەتی تر، پێنج لە هەولێر و سیان لە سلێمانی، تۆمار کران، جگە لەو 10 توشبووەى ئەمڕۆ، 355 حاڵەتی نەخۆشییەکە لە هەرێم تۆمار کراون، بەڵام 322 کەسیان چاکبوونەتەوە، واتە بەڕێژەى 91%.