گه‌ڕان

Shadow Shadow
سیاسه‌تی

ئەندامێکی لیژنەی دارایی: حكومەتی عێراق دەستكاری موچەی فەرمانبەرانى خۆی ناكات

2020.04.27 - 11:07
App store icon Play store icon Play store icon
ئەندامێکی لیژنەی دارایی: حكومەتی عێراق دەستكاری موچەی فەرمانبەرانى خۆی ناكات

ناس کورد-

 

ئەندامێکی لیژنەی دارایی پەرلەمانی عێراق دڵنیایی بە موچەخۆران دەدات و جەخت لەوە دەكاتەوە، دەنگۆی بڕین و كەمكردنەوەی موچەی فەرمانبەرانی عێراق تەنها پڕوپاگەندەیە. 

.

کەناڵی ناس کورد لە تێلیگرام جۆین بکە   

 

حەنین قەدۆ، ئەندامی لیژنەی دارایی لە پەرلەمانی عێراق بەمیدیا عێراقییەکانی ڕاگەیاند، ئەو هەواڵانەى لەبارەی كەمكردنەوەی موچەی فەرمانبەرانی عێراق و بڕینی بەشێكی موچە بڵاودەكرێنەوە، جگە لە پڕوپاگەندە هیچی دیکە نیە و پێشتریش بارودۆخی لەو شێوەیە ڕوویداوە.

.

ئاماژەی بەوەشكرد، تائێستا حكومەتی عێراق هیچ هەڵوێستێكی فەرمی بۆ كەمكردنەوە و بڕینی بەشێك لەموچەی فەرمانبەران و خانەنشینان ڕانەگەیاندووە.

.

ئەو ئەندامەی لیژنەی دارایی لە پەرلەمانی عێراق باسی لەوەشكرد، گەر حكومەت نیەتێكی لەو شێوەیەی هەبێت بۆ دانانی لیستێكی نوێی موچە، ئەوا دەبێت بەپڕۆژە یاسایەكی تایبەت بۆ موچەی هەر سێ سەرۆكایەتیەكە و دادگاكان و مامۆستایانی زانكۆ و سەرجەم فەرمانبەران ئامادە بكات.

.

وتەكانی ئەو پەڕلەمانتارە لەكاتێكدایە، دوای دابەزینی نرخی نەوت و چەند قەیرانێكی تر كە كۆرۆنا بەدوای خۆیدا هێناویەتی، دەنگۆی كەمكردنەوەی موچەی فەرمانبەرانی حكومەت بڵاوكرایەوە، بەڵام تائێستا هیچ کارێکی فەرمی لەو شێوەیە ڕووینەداوە و دوێنێش حکومەتی عێراق دەستی بە دابەشکردنی موچە کرد. 

.

ئەوەش لەکاتێکدایە، لەئێستادا کێشەی پرسی نەوت و دارایی لەنێوان هەرێم و بەغدا دروستبووەتەوە و بەغدا موچەی فەرمانبەرانی هەرێمی ڕاگرتووە و بەشێک لە فەرمانبەرانی حکومەتی هەرێم نزیکەی 50 ڕۆژە موچەیان پێندراوە. 

.