گه‌ڕان

Shadow Shadow
سیاسه‌تی

تەندروستى جیهانى وادەى یەکلاکەرەوەى بۆ عێراق دیاریکرد

2020.04.27 - 08:40
App store icon Play store icon Play store icon
تەندروستى جیهانى وادەى یەکلاکەرەوەى بۆ عێراق دیاریکرد

ناس کورد-

 

ڕێکخراوى تەندروستى جیهانى ناوەڕاستى مانگى ڕەمەزانى دیاریکرد وەک وادەیەک بۆ هەڵسەنگاندنى کاریگەرییەکانى هەڵگرتنى بەشێکى ڕێوشوێنەکانى قەدەغەى هاتووچۆ لەسەر بڵاوبوونەوەى ڤایرۆسى کۆرۆنا.

.

کەناڵی ناس کورد لە تێلیگرام جۆین بکە   

 

ئەدهەم ئیسماعیل نوێنەرى رێکخراوى تەندروستى جیهانى لە بەغدا ڕایگەیاند "رێوشوێنەکانى وەزارەتى تەندروستى عێراق سەلامەتە و هاوشانى رێوشوێنەکانى رێکخراوى تەندروستى جیهانییە بۆ بەرەنگاربوونەوەى مەترسی بڵاوبوونەوەى کۆرۆنا لە عێراق و جیهان".

.

وتیشى "رێژەى دابەزینى توشبووانى کۆرۆنا لەئاستى خوازراودا نییە، بەتایبەتى کە پێشێلکارییەکى روونى قەدەغەى هاتووچۆ هەیە لەلایەن هاووڵاتییانەوە، لەگەڵ پابەندنەبوونیان بە رێنماییەکانى وەزارەتى تەندروستى".

.

لەبارەى سوککردنى رێوشوینەکانى قەدەغەى هاتووچۆوە، ئەدهەم ئیسماعیل باسى لەوەکرد، کۆتایهێنان بە داخستن و قەدەغەى هاتووچۆ بە قۆناغ بەندى دەبێت، بەڵام بۆ ئەوە پێویستە رێژەى توشبووان کەمبێتەوە.

.

رونیشیکردەوە"رێوشوێنەکانى لیژنەى باڵا بۆ هەڵگرتنى بەشێکى قەدەغەى هاتووچۆ بۆ باشکردنى گوزەرانى هاووڵاتییان بووە، لەترسی دروستبوونى پشێوى ئەمنى و خراپبوونى دۆخى دارایی هاووڵاتییان".

.

ئەوەشى خستووەتەڕوو، ئەنجامى هەڵگرتنى بەشێکى قەدەغەى هاتوچۆ و رێژەى ژمارەى توشبووان دواى ناوەڕاستى مانگى ڕەمەزان دەردەکەوێت.

.

بەپێی ئامارەکانى وەزارەتى تەندروستى عێراق، تا ئێستا لە عێراق (1820) توشبووى کۆرۆنا تۆمارکراون کە (87) کەسیان گیانیان لەدەستداوە و (1263) کەسیشیان چاکبوونەتەوە.

.