گه‌ڕان

Shadow Shadow
سیاسه‌تی

لێدوانی قوباد تاڵەبانی لەبارەى ڕاگرتنی موچەى فەرمانبەرانی هەرێم لە بەغداوە

2020.04.26 - 13:50
App store icon Play store icon Play store icon
لێدوانی قوباد تاڵەبانی لەبارەى ڕاگرتنی موچەى فەرمانبەرانی هەرێم لە بەغداوە

ناس کورد-

جێگری سه‌‌رۆكی حكومه‌تی ھه‌‌رێم ڕایگه‌‌یاند، ئه‌‌وله‌‌ویه‌‌تی حكومه‌‌تی ھه‌‌رێم پاراستنی ته‌‌ندروستی ھاوڵاتیان و‌ دابینكردنی شایسته دارا‌ییه‌كانی موچه‌‌خۆرانه‌‌، دەشڵێت، شكست به‌‌و ھه‌‌وڵانه‌‌ ده‌هێنن كه‌‌ ئامانج لێیان زه‌وتكردنی ماف و  شایسته‌‌ داراییه‌‌كانی ھاوڵاتیانی ھه‌‌رێمی كوردستانه‌‌.

کەناڵی ناس کورد لە تێلیگرام جۆین بکە   

.

ئه‌‌مڕۆ یه‌‌كشه‌‌ممه‌‌، 26ی نیسانی 2020، قوباد تاڵه‌‌بانی، جێگری سه‌‌رۆكی حکومەتی هەریم له‌‌گه‌‌ڵ ئه‌ندامانی شاندی دانوستانكاری هه‌رێم له‌‌گه‌‌ڵ حكومه‌‌تی عیراق كۆبوویه‌‌وه‌‌ و گفتوگۆ له‌‌باره‌‌ی دواپێشھاته‌‌كان و ده‌‌رئه‌‌نجامه‌‌كانی دوایین سه‌‌ردانی شاندی حكومه‌‌تی ھه‌‌رێم بۆ به‌‌غدا كرا.

. 

بەپێی ڕاگەیەنراوەکە، له‌  كۆبوونه‌‌وه‌‌كه‌دا شاندی دانوستانكاری هەرێم ئاماژەی بەوەکرد، ده‌‌رئه‌‌نجامی سه‌ردانه‌كه‌یان بۆ به‌‌غدا و دۆخی دارایی ئێستای عێراقیان خسته‌‌ڕوو، شانده‌كه‌ ئاماژه‌یان به‌وەکردووە: "داهاتی نه‌وتی عیراق به‌رێژه‌یه‌كی زۆر دابه‌زیوه‌ و كورتهێنانێكی زۆر گه‌وره‌ له‌ نێوان داهات و خه‌رجییه‌كانی حكومه‌تی فێدراڵیدا دروست بووه‌، به‌هۆی ئه‌و كورتهێنانه‌وه‌ له‌ به‌غدا فشاری سیاسی هه‌یه‌ بۆ شكستهێنان به‌‌ لێكگه‌‌یشتنی پێشووی ‌نێوان ھه‌‌رێم و به‌‌غدا".

 . 

هاوکات، لە کۆبوونەوەکەدا جێگری سه‌‌رۆكی حکومەتی هەرێم ڕایگه‌‌یاند:"ئه‌‌وله‌‌ویه‌‌تی حكومه‌ت پاراستنی ژیانی ھاوڵاتیان و دابینكردنی موچه‌‌ی موچه‌‌خۆرانه‌‌، بۆیه‌‌ ھه‌‌موو ھه‌‌وڵێك ده‌‌ده‌‌ین و درێژه‌ به‌‌ ھه‌‌وڵه‌‌كانیشمان ده‌‌ده‌‌ین بۆ ئه‌‌وه‌‌ی بژێوی خه‌‌ڵك دابین بكه‌‌ین و ته‌‌ندروستییان بپارێزین".

 .

قوباد تاڵەبانی جەختیکردووەتەوە: "شكست به‌‌و ھه‌‌وڵانه‌‌ ده‌هێنین كه‌‌ ئامانج لێیان زه‌وتكردنی ماف و  شایسته‌‌ داراییه‌‌كانی ھاوڵاتیانی ھه‌‌رێمی كوردستانه‌‌".

 .

 جێگری سەرۆکی حکومەتی هەرێم ئەوەشی خستووەتەڕوو: "ده‌بێت به‌وپه‌ڕی شه‌فافیه‌ته‌وه‌ به‌رده‌وام له‌ په‌یوه‌ندیدا بین له‌گه‌ڵ فراكسیۆنه‌كانی په‌رله‌مانی كوردستان و فراكسیۆنه‌ كوردستانییه‌كانی به‌غدا و فراكسیۆنه‌كانی دیكه‌ی په‌رله‌مانی عیراق و‌ دەشبێت به‌‌ئاشكرا و به‌‌ شێوازێكی شه‌فافتر زانیارییه‌‌كان و دواپێشھاته‌‌كان بۆ خه‌‌ڵكی كوردستان ڕوون بكرێته‌وه‌".