گه‌ڕان

Shadow Shadow
سیاسه‌تی

ژمارەیەکی زۆر کەم توشبووی کۆرۆنا لە نەخۆشخانەکانی چین ماون

2020.04.26 - 09:36
App store icon Play store icon Play store icon
ژمارەیەکی زۆر کەم توشبووی کۆرۆنا لە نەخۆشخانەکانی چین ماون

ناس کورد-

بەگوێرەی دوایین ئامارەکانی تایبەت بە کۆرۆنا، چین بەرەو نەمانی ڤایرۆسەکە لە وڵاتەکەدا هەنگاو دەنێت و لەئێستادا 801 کەس ماونەتەوە کە هەڵگری ڤایرۆسەکە بن.

کەناڵی ناس کورد لە تێلیگرام جۆین بکە   

.

لیژنەی تەندروستیی چین لە دوایین ئاماردا بڵاویکردەوە، لە 24 کاتژمێری ڕابردوودا 11 توشبووی نوێی کۆرۆنا تۆمارکراون کە شەش حاڵەتیان لە ناوخۆدا بووە و پێنج کەسیش لە دەرەوەی چین توشی ڤایرۆسەکە بوون و گەڕاونەتەوە ئەو وڵاتە.

. 

بەگشتیی تائێستا ژمارەی توشبووانی ڤایرۆسەکە لە چین گەیشتووەتە 89 هەزار و 329 کەس، لەو ژمارەیە چوار هەزار و 632 کەس گیانیانلەدەستداوە و 77 هەزار و 394 کەسیش چاکبوونەتەوە کە بەرزترین ڕێژەی چاکبوونەیەوە بەراورد بەو ژمارە زۆرە.

 .

بەوەش، لەئێستادا تەنها 801 لە نەخۆشخانەکانی چین دا ماونەتەوە کە هەڵگری ڤایرۆسەکە بن.

 .

ئەمە لەکاتێکدایە، لەدوای نزیکەی دوو مانگ لە کەرەنتینە و قەدەغەی هاتوچۆ ماوەی زیاتر لە دوو هەفتەیە ژیان لەو وڵاتە بەرەو ئاساییبوونەوە چووە و قەدەغەی هاتوچۆ لەسەر هاوڵاتیان هەڵگیرا.

 .

ئەوەش لەکاتێکدایە بەشێکی زۆر لە وڵاتانی جیهان لە پێشیانەوە ئەمریکا، ئیسپانیا، ئیتاڵیا، ئەڵمانیا، تورکیا و ئێران بە دەست ڤایرۆسەکەوە دەناڵێنن و لە بارودۆخێکی خراپدان.